Búgin, 28.10.2020 jyly áleýmettik jeli arqyly Kaspi.kz qosymshasyna Nur-Sultan ýaqytymen 6:53-te kıbershabýyl jasalǵandyǵy týraly habarlama taraı bastady. Bul jaǵdaıǵa baılanysty Kaspi.kz-tiń Baspasóz hatshysy Erbol AZANBEK túsinik berdi.
Kaspi.kz-tiń Baspasóz hatshysy Erbol Azanbek: "Kaspi.kz qosymshadaǵy tehnıkalyq aqaýlardy retke keltirýde.
Klıentterdiń aqshalary jeke shottarynda saqtaýly tur.
28 qazan kúni Kaspi.kz qosymshasynda tehnıkalyq aqaý týyndady. Nátıjesinde klıentterdiń shottaryndaǵy qarjy kólemin qate kórsetýde.
Ókinishke qaraı kartamen tólem jasaý, bankomattardan aqsha sheshý, tolyqtyrý, tólemder men aýdarymdar ýaqytsha qoljetimsiz.
Kompanııa barlyǵyn tez arada qalypqa keltirý úshin jumys jasaýda.
Áleýmettik jeliler men messendjerlerde munyń kıbershabýyl ekendigi týraly jalǵan aqparat tarady. Eshqandaı kıbershabýyl bolmaǵanyn habarlaımyz, klıentterdiń qarajaty túgeldeı óz qalpynda jáne aqaý retke keltirilgennen keıin qosymshada durys kórsetiledi"- dedi.
Aıta keteıik, habarlamada paıdalanýshylardyń jeke shotynan jalpy kólemi 78 937 374 teńge aýdarym jasalǵandyǵy aıtylǵan. Sondaı-aq bank qosymshasy birneshe saǵat boıy óz klıentterine qyzmet kórsete almady. Bank klıentteri jeke shottarynan aqsha joǵalǵany jaıly aıtyp shaǵymdana bastaǵan edi.
Foto ashyq derekkózden alyndy
"Adyrna" ulttyq portaly
