ەاەو مەن قىتاي دوللاردان باس تارتپاق

2918
Adyrna.kz Telegram

ەاەو مەن قىتاي دوللاردان باس تارتپاق، دەپ حابارلايدى «ادىرنا» ۇلتتىق پورتالى vedomosti.ru-عا سىلتەمە جاساپ.

ولار «ەۋرازيالىق ەكونوميكالىق وداق جانە «ءبىر بەلدەۋ، ءبىر جول» قىتايلىق باستامانىڭ ءتۇيىسۋى» فورۋمىندا حالىقارالىق سانكتسيالارعا تاۋەلدى بولماۋ ءۇشىن، سونداي-اق ۆاليۋتا باعامىنىڭ قۇبىلمالىعىنا بايلانىستى ورىن الاتىن شىعىنداردىڭ الدىن الۋ ءۇشىن وسىنداي مالىمدەمە جاساعان.

«ماسەلە اقش پەن ەو-دان ساياسي تۇرعىدان ءبولىنىپ كەتۋدە ەمەس. بۇگىندە حالىقارالىق ۆاليۋتا قاتىناستارىنىڭ جاعدايى كوپتەگەن ەلدەردىڭ مۇددەلەرىنە سايكەس كەلمەيدى. ءوزىمىز باعاسىن قويمايتىن قۇنمەن ساۋدالاسۋ ءبىزدىڭ كومپانيالارعا ايتارلىقتاي شىعىن اكەلەدى»،-دەدى ەەك ينتەگراتسيا جانە ماكروەكونوميكا جونىندەگى القا مۇشەسى سەرگەي گلازەۆ.

ايتا كەتەيىك، قازىرگى تاڭدا ەاەو مەن قىتاي نە ۇلتتىق ۆاليۋتادا، نە جەكە ۇستىڭگى ۇلتتىق ۆاليۋتادا ەسەپ ايىرىسۋ جونىندە اقىلداسۋدا.

«ادىرنا» ۇلتتىق پورتالى

پىكىرلەر