Teddy Bear ويىنشىعىنىڭ شىعۋىنىڭ ءوزى ءبۇتىن ءبىر تاريح. اقش پرەزيدەنتى تەودور رۋزۆەلت اڭشىلىقتى جانى سۇيەتىن ادام بولعان. كەزەكتى اڭشىلىعى كەزىندە جانىندا قونجىقتارى ەرگەن ايۋدى اتۋدان باس تارتادى. بۇل فاكت نيۋ-يوركتەگى گازەتتەردە كوپتەگەن ازىلدەر مەن مۋلتفيلمدەردىڭ شىعۋىنا سەبەپ بولادى. وسى مۋلتفيلمدەردىڭ ءبىرى رەسەيدەن كەلگەن ەميگرانت، بالالار ويىنشىقتارىن ساتاتىن شاعىن دۇكەننىڭ يەسى مورريس ميحتومنىڭ كوزىنە تۇسەدى. كەيىن ءبىرىنشى ايۋدىڭ قونجىعىن ونىڭ ايەلى روۋز مۋلتفيلم كەيىپكەرىنىڭ بەينەسى مەن ونىڭ ۇقساستىعىنا قاراي تىگەدى. ميشكا دۇكەن تەرەزەسىندە كورسەتىلىپ، اقش پرەزيدەنتىنىڭ قۇرمەتىنە «Teddy Bear» دەپ اتالادى.
بۇل كىشكەنتاي ايۋدىڭ جەتىستىگىنىڭ كەرەمەت بولعانى سونشالىق كوپتەگەن ادامدار وسىنداي ويىنشىق ساتىپ العىسى كەلەدى. سوندىقتان مورريس پرەزيدەنت رۋزۆەلتكە ويىنشىق ءۇشىن تەددي اتىن قولدانۋدى سۇراپ رەسمي تۇردە جۇگىنۋگە ءماجبۇر بولادى. رۇقسات العاننان كەيىن مورريس ويىنشىقتار يمپەرياسىنىڭ نەگىزىن قالادى، ول بۇگىندە گۇلدەنىپ كەلەدى.
قونجىق ايۋدىڭ تۋعان كۇنىنە وراي بۇكىل الەمدە ءبىر-ءبىرىن قۇتتىقتاپ، سىيعا قونجىق ايۋلاردى سونداي-اق، كۇلىپ تۇرعان تەددي بەينەلەنگەن اشىق حاتتار بەرۋ داستۇرگە اينالعان. بارلىق ءتۇستى جانە تيپتەگى قونجىقتاردى ساتاتىن بالالار دۇكەندەرى مەن مامانداندىرىلعان ورتالىقتارى ويىنشىق ايۋدىڭ تۋعان كۇنىنە وراي اكتسيالار مەن جەڭىلدىكتەر ۇيىمداستىرادى ەكەن. كوبىنەسە قايىرىمدىلىق اتسيالارى بالالار ۇيىنە، جەتىم بالالار مەن از قامتىلعان وتباسىلاردىڭ بالالارىنا تەگىن پليۋش ويىنشىقتارىن تاراتادىەكەن.
مىنە قىزىق، قازىر بالالارىمىز قۇشاعىنا باسىپ، قىزىعىنا قانىپ ويناپ جۇرەتىن ءجاي عانا ويىنشىق ايۋدىڭ شىعۋ تاريحى وسىنداي ەكەن. بالاڭىزدى قۋانتقىڭىز كەلسە بۇگىن تاپتىرماس كۇن سەكىلدى. جاقىندارىمىزعا قۋانىش سىيلاي بىلەيىك!
لاۋرا تۇرسىنجان،
“ادىرنا” ۇلتتىق پورتالى
