Teddy Bear oıynshyǵynyń shyǵýynyń ózi bútin bir tarıh. AQSh prezıdenti Teodor Rýzvelt ańshylyqty jany súıetin adam bolǵan. Kezekti ańshylyǵy kezinde janynda qonjyqtary ergen aıýdy atýdan bas tartady. Bul fakt Nıý-Iorktegi gazetterde kóptegen ázilder men mýltfılmderdiń shyǵýyna sebep bolady. Osy mýltfılmderdiń biri Reseıden kelgen emıgrant, balalar oıynshyqtaryn satatyn shaǵyn dúkenniń ıesi Morrıs Mıhtomnyń kózine túsedi. Keıin birinshi aıýdyń qonjyǵyn onyń áıeli Roýz mýltfılm keıipkeriniń beınesi men onyń uqsastyǵyna qaraı tigedi. Mıshka dúken terezesinde kórsetilip, AQSh prezıdentiniń qurmetine «Teddy Bear» dep atalady.
Bul kishkentaı aıýdyń jetistiginiń keremet bolǵany sonshalyq kóptegen adamdar osyndaı oıynshyq satyp alǵysy keledi. Sondyqtan Morrıs prezıdent Rýzveltke oıynshyq úshin Teddı atyn qoldanýdy surap resmı túrde júginýge májbúr bolady. Ruqsat alǵannan keıin Morrıs oıynshyqtar ımperııasynyń negizin qalady, ol búginde gúldenip keledi.
Qonjyq aıýdyń týǵan kúnine oraı búkil álemde bir-birin quttyqtap, syıǵa qonjyq aıýlardy sondaı-aq, kúlip turǵan Teddı beınelengen ashyq hattar berý dástúrge aınalǵan. Barlyq tústi jáne tıptegi qonjyqtardy satatyn balalar dúkenderi men mamandandyrylǵan ortalyqtary oıynshyq aıýdyń týǵan kúnine oraı akııalar men jeńildikter uıymdastyrady eken. Kóbinese qaıyrymdylyq aııalary balalar úıine, jetim balalar men az qamtylǵan otbasylardyń balalaryna tegin plıýsh oıynshyqtaryn taratadyeken.
Mine qyzyq, qazir balalarymyz qushaǵyna basyp, qyzyǵyna qanyp oınap júretin jáı ǵana oıynshyq aıýdyń shyǵý tarıhy osyndaı eken. Balańyzdy qýantqyńyz kelse búgin taptyrmas kún sekildi. Jaqyndarymyzǵa qýanysh syılaı bileıik!
Laýra TURSYNJAN,
“Adyrna” ulttyq portaly
