اعىلشىن ءتىلىن تەگىن وقىعىڭىز كەلە مە؟

2642
Adyrna.kz Telegram

ەندى اعىلشىن ءتىلىن تەگىن ۇيرەنۋگە ءسىزدىڭ دە مۇمكىندىگىڭىز بار. م.س. نارىكباەۆ اتىنداعى كازگيۋ ۋنيۆەرسيتەتى كوپشىلىككە ارنالعان «KAZGUU.TEA.TALK» دەپ اتالاتىن العاشقى اشىق كلۋبىن اشتى. الەۋمەتتىك جوبا قاتىسۋشىلاردىڭ سويلەۋ داعدىسىن جەتىلدىرۋگە، پراكتيكالىق اعىلشىن ءتىلى دەڭگەيىن ارتتىرۋعا باعىتتالعان دەپ حابارلايدى «ادىرنا» ۇلتتىق پورتالى Baq.kz سايتىنا سىلتەمە جاساپ.

جوبانىڭ وقۋ ادىستەمەسى كوممۋنيكاتيۆتىك تاسىلگە نەگىزدەلگەن. قاتىسۋشىلار لەكسيكا مەن گرامماتيكانى تۇپماتىنىنە قاراي پايدالانىپ، سويلەۋ الدىنداعى پسيحولوگيالىق كەدەرگىلەردەن قۇتىلا الادى.

جوبا باعدارلاماسىندا Cambridge University Press, Macmillan Academy, National Geographic Publishing, Pearson Education Ltd, Oxford English سىندى ساپالى ءارى ايگىلى وقۋ باعدارلامالارىنا نەگىزدەلگەن ادىستەمەلەر قولدانىلادى.

اعىلشىن تىلىندە ەركىن سويلەۋ ءۇشىن وقىتۋشىلار قۇرامىنىڭ تاجىريبەسى دە وتە ماڭىزدى دەيدى ۇيىمداستىرۋشىلار. ساباقتار لەگىن الەمنىڭ ەڭ تانىمال ۋنيۆەرسيتەتتەرىن تامامداعان (Cambridge University, Newcastle University, Leicester University) حالىقارالىق سەرتيفيكاتتاردىڭ (TKT, CELTA, DELTA, TESOL, IELTS جانە ت.ب.) يەگەرلەرى جۇرگىزەدى.

كازگيۋ جوعارى گۋمانيتارلىق مەكتەبىنىڭ ديرەكتورى انار يبراەۆا، بۇل جوبانى قوعام الدىنداعى الەۋمەتتىك جاۋاپكەرشىلىكتى سەزىنگەندىكتەن باستاپ وتىرمىز دەيدى.

كوپتەگەن ادامدار اعىلشىن ءتىلىن ۇيرەنۋ بارىسىندا ءوز ويىن جەتكىزۋدەن قورقادى، ءبىزدىڭ وقىتۋشىلار سويلەۋ داعدىلارىن جاقسارتۋعا، ۇيالماي قورقىنىشىن جەڭۋگە كومەكتەسەدى. قازىرگى تاڭدا اعىلشىن ءتىلىن ءبىلۋ مۇكىندىگىڭدى ارتتىرىپ، مانسابىڭدى تابىستى قۇرۋعا، الەمنىڭ ەڭ وزىق وقۋ ورىندارىندا وقۋىڭدى جالعاستىرۋعا مۇمكىندىك بەرەدى. سونىمەن بىرگە اعىلشىن ءتىلى زاماناۋى اقپاراتتىق رەسۋرستاردىڭ بارىنە جول اشادى، سەبەبى دۇنيەجۇزىلىك ماڭىزى بار كىتاپتار مەن عىلىمي ماقالالاردىڭ كوبىسى اعىلشىن تىلىندە جارىق كورەدى، - دەپ اتاپ ءوتتى انار يبراەۆا.

«KAZGUU.TEA.TALK» ونلاين-كەزدەسۋىنە تىركەۋ bio: bit.ly/zoomteatalk سىلتەمەسى ارقىلى جۇزەگە اسادى. جوبانىڭ بارلىق ساباعىنا قاتىسقان تىڭداۋشىلارعا سەرتيفيكات تابىستالادى.

 

پىكىرلەر