ءازىربايجان پرەزيدەنتى يلحام اليەۆ Fox News-كە بەرگەن سۇحباتىندا: تاۋلى قاراباقتاعى جانجالدى بەيبىت جولمەن شەشۋگە بولادى، بىراق كوپ نارسە ارميان تاراپىنا بايلانىستى، - دەپ مالىمدەگەن. بۇل تۋرالى «ادىرنا» ۇلتتىق پورتالى Lenta.ru-عا سىلتەمە جاساپ حابارلايدى.
سۇحبات بارىسىندا يلحام اليەۆ ءازىربايجان مەن ارميانداردىڭ سوعىستان كەيىنگى قارىم-قاتىناسىن سيپاتتاپ بەرگەن. ونىڭ پىكىرىنشە، تاريحتان ءسانتۇرلى قاندى سوعىستاردان كەيىن حالىقتاردىڭ بىرگە قاتار ءومىر سۇرگەندىگى تۋرالى مىسال كەلتىرۋگە بولادى.
پرەزيدەنت: "گەرمانيا مەن اقش ءبىر-بىرىمەن جاۋلاستى. كەڭەس وداعى مەن گەرمانيا ءبىر-بىرىمەن جاۋلاستى. ونداعان ميلليون ادام قازا تاپتى. ەندى قاراڭىز، بۇل تۋرالى ەشكىم ەسىندە ساقتاپ قالمادى. بۇل ارازدىق تۋدىرمايدى. نەلىكتەن ارمياندار مەن ءازىربايجاندار گرۋزيا، رەسەي، ۋكراينا جانە باسقا دا كوپتەگەن ەلدەردەگىدەي تاۋلى قاراباق ايماعىندا بىرگە ءومىر سۇرە المايدى؟"— دەپ اتاپ وتكەن.
سونداي-اق ءازىربايجان باسشىسى قاراباقتاعى قاقتىعىسۋشى تاراپتاردىڭ قۇقىعىن بۇزباي-اق بەيبىتشىلىك ورناتۋعا بولاتىنىن مالىمدەدى. «بۇل لوگيكالىق نەگىزگە، ءازىربايجاننىڭ اۋماقتىق تۇتاستىعى مەن ءبىزدىڭ ەلىمىزدەگى ارميان حالقىنىڭ قۇقىقتارى مەن مۇددەلەرىن تولىق قورعاۋعا نەگىزدەلۋى كەرەك. مەنىڭ ويىمشا، مۇنى جۇزەگە اسىرۋعا بولادى »، - دەپ قوستى اليەۆ.
بۇعان دەيىن يلحام اليەۆ ءازىربايجان تاۋلى قاراباقتا اتىستى توقتاتۋ تۋرالى كەلىسىمگە كەلۋگە دايىن ەكەنىن ايتقان. ونىڭ ايتۋىنشا، باكۋ بۇل قادامعا ەرەۆان اتىستى توقتاتقان جاعدايدا بارادى.
تاۋلى قاراباقتاعى (ارتساح) جاعداي 27 قىركۇيەكتە كۇرت ناشارلاعان بولاتىن. ارمەنيا مەن ءازىربايجان 18 قازان جەرگىلىكتى ۋاقىت بويىنشا 00:00 بويىنشا تاۋلى قاراباقتاعى اتىستى توقتاتۋ تۋرالى شەشىم قابىلدادى. الايدا ەكى جاق تا ءىزىن الا ءبىر-ءبىرىن كەلىسىمدى بۇزدى دەپ ايىپتادى.
فوتو اشىق دەرەككوزدەن الىندى
«ادىرنا» ۇلتتىق پورتالى
