اقتوبەدە دۇنيەگە كەلگەن امەريكالىق بويجەتكەن يان گەراتي بيولوگيالىق اكە-شەشەسىن ىزدەۋدە، دەپ حابارلايدى «ادىرنا» ۇلتتىق پورتالى.
بۇل تۋرالى ول Facebook-تەگى قازاقستان-امەريكا قاۋىمداستىعى توبىندا جازدى.
«تۋعان وتباسىمدى تابۋعا كومەكتەسسەڭىزدەر، ريزا بولار ەدىم. كەز كەلگەن كومەك ءتۇرى مەن ءۇشىن اسا ماڭىزدى»،-دەدى گەراتي.
28 جاستاعى ارۋ قازىرگى تاڭدا اقش-تا تۇرادى. ياندى امەريكالىق اتا-اناسى 10 جاسىندا اسىراپ العان. ايتا كەتەرلىگى، باۋىرىنا باسقان ادامدار قىزدان ءجاسوسپىرىم كەزىندە باس تارتقان ەكەن.
«مەن ولارمەن ارالاسپايمىن، سوندىقتان قانداي دا ءبىر اقپاراتتى الۋ قيىن. ءوزىمنىڭ شىققان تەگىمدى بىلگىم كەلەدى»،-دەپ ءسوزىن تولىقتىردى ول.
بويجەتكەن بۇگىندە اقش ارمياسىندا قىزمەت ەتەدى.
«ادىرنا» ۇلتتىق پورتالى
