قىرعىزستاننىڭ جوگوركۋ كەنەش دەپۋتاتتارى 16 قازاندا كەزەكتەن تىس جينالىستا بىشكەكتەگى توتەنشە جاعداي ءتارتىبىن الىپ تاستاۋ تۋرالى قاۋلى قابىلدادى.
بۇعان دەيىن 12 قازاندا پرەزيدەنت سوورونباي جەەنبەكوۆ استانادا ءبىر اپتاعا توتەنشە جاعداي ەنگىزگەن. مەملەكەت باسشىسىنىڭ مۇنداي ارەكەتىنە پارلامەنت سايلاۋىنان كەيىنگى جاپپاي تارتىپسىزدىك سەبەپ بولعان.
15 قازاندا سوورونباي جەەنبەكوۆ پرەزيدەنت قىزمەتىنەن كەتتى. پارلامەنت سپيكەرى قاناتبەك يساەۆ پرەزيدەنت مىندەتتەرىن اتقارۋدان باس تارتتى.
16 قازاندا جوگوركۋ كەنەشتىڭ كەزەكتەن تىس وتىرىسىندا جەەنبەكوۆ پەن يساەۆ رەسمي مالىمدەمەلەرىن جاريالاپ، پرەزيدەنت قۇزىرەتىن پرەمەر-مينيستر سادىر جاپاروۆ ءوز قولىنا الدى.
"ادىرنا" ۇلتتىق پورتالى
