ر بعم «ADAL BILIM» جوبالىق كەڭسەسىنىڭ اكىمشىسى سەرگەي پەننىڭ پىكىرىنشە، قازاقستاننىڭ جوعارى ءبىلىم بەرۋ جۇيەسىندە ەكى نەگىزگى پروبلەما بار. سونىڭ ءبىرى - وقىتۋشىلار مەن پروفەسسورلاردىڭ جالاقىسىنىڭ تومەندىگى. ونىڭ ايتۋىنشا، ۋنيۆەرسيتەتتەر عىلىمي سالاعا تالانتتى كادرلاردى تارتۋى ءتيىس. بۇل رەتتە ولاردىڭ جالاقىسى دا تيىسىنشە جوعارى بولۋى شارت، دەپ حابارلايدى "ادىرنا" ۇلتتىق پورتالى.
"مىسالى، م.س. نارىكباەۆ اتىنداعى كازگيۋ ۋنيۆەرسيتەتىندە حالىقارالىق گراداتسيا جۇيەسى بويىنشا جۇمىس ىستەيتىن پروفەسسورلاردىڭ جالاقىسى $1000-دان $5000-عا دەيىن. بۇل جەردە، ارينە، مەملەكەتتىك قولداۋ قاجەت. كوپتەگەن ەلدەر جوعارى وقۋ ورىندارىنىڭ بازاسىندا جۇمىس ىستەيتىن عالىمدارىن تىكەلەي قارجىلاندىرادى. بۇل وتە ماڭىزدى اسپەكت", - دەپ اتاپ ءوتتى سەرگەي پەن ورتالىق كوممۋنيكاتسيالار قىزمەتى الاڭىندا وتكەن بريفينگتە.
ول قازاقستاندىق جوعارى وقۋ ورىندار ستۋدەنتتەر مەن ءبىلىم بەرۋ ۇدەرىسىن بيزنەس رەتىندە قابىلدايتىنىن دا مالىمدەدى.
"ستۋدەنتتەرگە ءاميان رەتىندە قاراپ، ءبىلىم جۇيەسىن تابىس كوزىنە اينالدىرۋدىڭ قاجەتى جوق. ءبىلىم ساپاسى دا تيىسىنشە جوعارى دەڭگەيگە كوتەرسىن. مۇنداي جاعدايدا ولار كونتينگەنتىن جوعالتۋعا، سۇرانىستى جوعالتۋعا جانە كىرىستىڭ ازايۋىنا دايىن بولۋى كەرەك. جوعارى وقۋ ورىندارىنىڭ ساپاسىن ارتتىرۋ ءۇشىن سىرتقى باقىلاۋ تەتىكتەرىن قولدانۋدى ۇسىنامىن. مىسالى، باعا مەدياناسىن ەنگىزۋ يدەياسى. كەيبىر ۋنيۆەرسيتەتتەردە 100% ستۋدەنت قابىلدانىپ، 800% ءبىتىرىپ شىعادى. ەلىمىزدە مۇنداي جاعدايلار ءجيى كەزدەسەدى. بۇل ماسەلەمەن كۇرەسۋ كەرەك"- دەپ مالىمدەدى قر بعم" ADAL BILIM " جوبالىق كەڭسەسىنىڭ اكىمشىسى سەرگەي پەن.
ونىڭ پىكىرىنشە، ساباق بەرۋ دەڭگەيىن قولعا العان ۋنيۆەرسيتەتتەر عىلىمي ءبىلىمدى قالىپتاستىرۋ ءۇشىن زەرتتەۋ قىزمەتىنىڭ دەڭگەيىن دە كوتەرۋى كەرەك.
