R BǴM «ADAL BILIM» jobalyq keńsesiniń ákimshisi Sergeı Penniń pikirinshe, Qazaqstannyń joǵary bilim berý júıesinde eki negizgi problema bar. Sonyń biri - oqytýshylar men professorlardyń jalaqysynyń tómendigi. Onyń aıtýynsha, ýnıversıtetter ǵylymı salaǵa talantty kadrlardy tartýy tıis. Bul rette olardyń jalaqysy da tıisinshe joǵary bolýy shart, dep habarlaıdy "Adyrna" ulttyq portaly.
"Mysaly, M.S. Nárikbaev atyndaǵy KAZGIýÝ ýnıversıtetinde halyqaralyq gradaııa júıesi boıynsha jumys isteıtin professorlardyń jalaqysy $1000-dan $5000-ǵa deıin. Bul jerde, árıne, memlekettik qoldaý qajet. Kóptegen elder Joǵary oqý oryndarynyń bazasynda jumys isteıtin ǵalymdaryn tikeleı qarjylandyrady. Bul óte mańyzdy aspekt", - dep atap ótti Sergeı Pen Ortalyq kommýnıkaııalar qyzmeti alańynda ótken brıfıngte.
Ol Qazaqstandyq joǵary oqý oryndar stýdentter men bilim berý úderisin bıznes retinde qabyldaıtynyn da málimdedi.
"Stýdentterge ámııan retinde qarap, bilim júıesin tabys kózine aınaldyrýdyń qajeti joq. Bilim sapasy da tıisinshe joǵary deńgeıge kótersin. Mundaı jaǵdaıda olar kontıngentin joǵaltýǵa, suranysty joǵaltýǵa jáne kiristiń azaıýyna daıyn bolýy kerek. Joǵary oqý oryndarynyń sapasyn arttyrý úshin syrtqy baqylaý tetikterin qoldanýdy usynamyn. Mysaly, baǵa medıanasyn engizý ıdeıasy. Keıbir ýnıversıtetterde 100% stýdent qabyldanyp, 800% bitirip shyǵady. Elimizde mundaı jaǵdaılar jıi kezdesedi. Bul máselemen kúresý kerek"- dep málimdedi QR BǴM" ADAL BILIM " jobalyq keńsesiniń ákimshisi Sergeı Pen.
Onyń pikirinshe, sabaq berý deńgeıin qolǵa alǵan ýnıversıtetter ǵylymı bilimdi qalyptastyrý úshin zertteý qyzmetiniń deńgeıin de kóterýi kerek.
