اقش ادىلەت مينيسترلىگى مەن باس پروكۋراتۋراسى مونوپولياعا قارسى زاڭنامانى بۇزۋ تۋرالى ءىستى تەرگەۋ اياسىندا Google-گە قارسى سوت ءىسىن دايىنداپ جاتقاندىعى بەلگىلى بولدى. ەگەر كومپانيا كىنالى دەپ تانىلسا، وندا ولار وزدەرىنىڭ Chrome براۋزەرىن جانە پايدالى جارناما بيزنەسىنىڭ ءبىر بولىگىن ساتۋعا مىندەتتەلۋى مۇمكىن.
بۇل ءىس بويىنشا تىڭداۋلار الداعى اپتالاردا باستالادى دەپ كۇتىلۋدە. مونوپولياعا قارسى تەرگەۋدىڭ ناتيجەسى سوڭعى ونجىلدىقتاعى العاشقى امەريكاندىق كومپانيانىڭ سوت شەشىمى بويىنشا بولىنۋىنە ىقپال بولۋى مۇمكىن. Politico پورتالى حابارلاۋىنشا، Google-ءدىڭ 162,3 ميلليارد دوللارعا باعالاناتىن ساندىق جارناما نارىعىن باقىلاۋدى ازايتۋ نۇسقالارى ءالى تالقىلانۋدا جانە وسى ماسەلە بويىنشا ناقتى شەشىمدەر ءالى قابىلدانعان جوق. قولدا بار مالىمەتتەرگە سايكەس، ادىلەت مينيسترلىگى مەن پروكۋرورلار جارنامالىق تەحنولوگيالار بويىنشا ساراپشىلارعا، Google باسەكەلەستەرىنە، Google-ءدىڭ جارناما نارىعىنداعى پوزيتسياسىن قالاي السىرەتۋگە بولاتىندىعى تۋرالى ۇسىنىستار الۋ ءۇشىن جۇگىنگەن.
اقپارات Politico پورتالىنان الىندى
