ەلوردالىق جاستارعا شاعىن گرانتتار تاعايىندالدى

3005
Adyrna.kz Telegram

2020 جىلدىڭ 8 قازان كۇنى نۇر-سۇلتان قالاسى جاستار ساياساتى ماسەلەلەرى باسقارماسىنىڭ تاپسىرىسىمەن «ادىرنا» ۇلتتىق-ەتنوگرافيالىق بىرلەستىگى قازاقستان رەسپۋبليكاسىنىڭ ۇلتتىق مۋزەيىندە «ۆولونتەرلىك جوبالاردى قولداۋ» اتتى شاعىن گرانتتار كونكۋرسىنىڭ جەڭىمپازدارىن ماراپاتتاۋ ءراسىمىن وتكىزدى.

ماراپاتتاۋ راسىمىندە جوبالارى ەڭ ۇزدىك دەپ تابىلعان 22 بەلسەندى جاس 300 000 تەڭگەنىڭ يەگەرى اتاندى. شارا شىمىلدىعىن اتاقتى، داۋلەسكەر كۇيشى اردابي اشىپ، قۇتتىقتاۋ ءسوزدى فيلولوگيا عىلىمدارىنىڭ دوكتورى، ديپلومات، ەكس-سەناتور احمەتوۆ ءادىل قۇرمانجانۇلى الدى.


گرانتتار كونكۋرسىنىڭ ماراپاتتاۋ راسىمىنە جاستار ساياساتى ماسەلەلەرى باسقارما باسشىسى داۋلەت كارىبەك، «اسىل ادام» قايىرىمدىلىق قورىنىڭ پرەزيدەنتى سۋلكەەۆا اينۇر جاناتقىزى، قر ۇلتتىق مۋزەيى «حالىق مۇراسى» ءبولىمىنىڭ باسشىسى اقان وڭعارۇلى، قر ۇلتتىق مۋزەي ديرەكتورىنىڭ ورىنباسارى ايبار قاسەنالى، ۆولونتەر-دارىگەر، اقىن، جازۋشىلار وداعىنىڭ مۇشەسى ۇلاربەك دالەي، «ۇلتتىق ۆولونتەرلىك جەلىسى» ۇيىمىنىڭ رەسپۋبليكالىق كوورديناتورى جۇماشوۆا ايسۇلۋ قاتىسىپ، 22 جەڭىمپازعا اقجارما تىلەكتەرىن ارناپ، ءسات-ساپار تىلەدى. شارا بارىسىندا قازاق ۇلتتىق ونەر ۋنيۆەرسيتەتىنىڭ تۇلەكتەرى ماقپال دۇيسەن مەن ەرنار مۇحامەد اسەم اندەرىمەن قوناق كوڭىلىن كوككە جەتكىزدى.

شارا ۇيىمداستىرۋشىسى، «ادىرنا» ۇلتتىق-ەتنوگرافيالىق بىرلەستىگىنىڭ باسشىسى ارمان اۋباكىردىڭ مالىمدەۋىنشە، وقۋشى، ستۋدەنت جاستار مەن الەۋمەتتىك توپتارعا ءبىلىم بەرۋگە باعىتتالعان، مۇمكىندىگى شەكتەۋلى ادامداردى قولداۋعا ارنالعان، مەديتسينالىق باعىتتاعى جانە كارانتين كەزىندە ىسكە اسىرىلاتىن، جاستار بەلسەندىلىگىن دامىتۋعا ارنالعان جوبالارعا كوميسسيا تاراپىنان دەن قويىلدى. «مەملەكەتتەن 22 جەڭىمپازعا بولىنگەن قاراجات ۆولونتەرلەردىڭ جەكە باستارىنا ەمەس، ءوز جوبالارىن ىسكە اسىرۋعا جانە جوبا اياسىندا قوعام الەۋەتىن كوتەرۋگە باعىتتالدى»–دەدى.

 

تولىق اقپارات: 8 747 933 91 09.

 

 

پىكىرلەر