2020 jyldyń 8 qazan kúni Nur-Sultan qalasy Jastar saıasaty máseleleri basqarmasynyń tapsyrysymen «Adyrna» ulttyq-etnografııalyq birlestigi Qazaqstan Respýblıkasynyń Ulttyq mýzeıinde «Volonterlik jobalardy qoldaý» atty shaǵyn granttar konkýrsynyń jeńimpazdaryn marapattaý rásimin ótkizdi.
Marapattaý rásiminde jobalary eń úzdik dep tabylǵan 22 belsendi jas 300 000 teńgeniń ıegeri atandy. Shara shymyldyǵyn ataqty, dáýlesker kúıshi Ardabı ashyp, quttyqtaý sózdi fılologııa ǵylymdarynyń doktory, dıplomat, eks-senator Ahmetov Ádil Qurmanjanuly aldy.
Granttar konkýrsynyń marapattaý rásimine Jastar saıasaty máseleleri basqarma basshysy Dáýlet Káribek, «Asyl adam» qaıyrymdylyq qorynyń prezıdenti Sýlkeeva Aınur Janatqyzy, QR Ulttyq mýzeıi «Halyq murasy» bóliminiń basshysy Aqan Ońǵaruly, QR Ulttyq mýzeı dırektorynyń orynbasary Aıbar Qasenáli, volonter-dáriger, aqyn, Jazýshylar Odaǵynyń múshesi Ularbek Dáleı, «Ulttyq volonterlik jelisi» uıymynyń respýblıkalyq koordınatory Jumashova Aısulý qatysyp, 22 jeńimpazǵa aqjarma tilekterin arnap, sát-sapar tiledi. Shara barysynda Qazaq Ulttyq óner ýnıversıtetiniń túlekteri Maqpal Dúısen men Ernar Muhamed ásem ánderimen qonaq kóńilin kókke jetkizdi.
Shara uıymdastyrýshysy, «Adyrna» ulttyq-etnografııalyq birlestiginiń basshysy Arman Áýbákirdiń málimdeýinshe, oqýshy, stýdent jastar men áleýmettik toptarǵa bilim berýge baǵyttalǵan, múmkindigi shekteýli adamdardy qoldaýǵa arnalǵan, medıınalyq baǵyttaǵy jáne karantın kezinde iske asyrylatyn, jastar belsendiligin damytýǵa arnalǵan jobalarǵa komıssııa tarapynan den qoıyldy. «Memleketten 22 jeńimpazǵa bólingen qarajat volonterlerdiń jeke bastaryna emes, óz jobalaryn iske asyrýǵa jáne joba aıasynda qoǵam áleýetin kóterýge baǵyttaldy»–dedi.
Tolyq aqparat: 8 747 933 91 09.
