جەكسەنبىدە وتكەن پرەزيدەنتتىك سايلاۋدا ەمومالي راحمون الدىن الا ناتيجە بويىنشا جەڭىسكە جەتتى، دەپ حابارلايدى «ادىرنا» ۇلتتىق پورتالى ريا نوۆوستي-گە سىلتەمە جاساپ.
ورتالىق سايلاۋ كوميسسياسىنىڭ مالىمەتىنشە، قازىرگى پرەزيدەنت ەمومالي راحمون پرەزيدەنتتىك سايلاۋدا 90,92 % داۋىس جيناعان. ال سايلاۋعا قاتىسقانداردىڭ جالپى سانى 4 ميلليون ادامعا جۋىقتايدى.
ەستەرىڭىزگە سالا كەتەيىك، تاجىكستاندا وتكەن سايلاۋعا بەس كانديدات قاتىسقان.
ەلدى 1992 جىلدان بەرى باسقارىپ كەلە جاتقان راحمون ءۇشىن بۇل بەسىنشى سايلاۋ بولاتىن. سايلاۋ بارىسىن تمد، شىۇ، ۇقشۇ، ەقىۇ، مەملەكەتتىك دۋما جانە فەدەراتسيا كەڭەسىنىڭ باقىلاۋشىلارى قاداعالادى. ولاردىڭ مالىمەتى بويىنشا، زاڭبۇزۋشىلىقتار تىركەلمەگەن.
«ادىرنا» ۇلتتىق پورتالى
