فاست فۋد - بۇل تەز دايىندالاتىن تاعام، بىراق سونىمەن بىرگە ونىڭ تاعامدىق ءمانى نولگە ۇمتىلادى، ال كالوريا مولشەرى وتە جوعارى. مۇنداي ونىمدەر، ارينە، كوپ ۋاقىتتى جوعالتپاۋعا كومەكتەسەدى، دەگەنمەن دەنساۋلىققا ۇلكەن زيان كەلتىرۋى مۇمكىن. ونىڭ دەنساۋلىققا دەگەن كەلەسىدەي زياندى اسەرلەرى بار.
فاست فۋد قۇرامى
فاست فۋد ونىمدەرىندە جىلدام كومىرسۋلار كوپ. بەلسەندى ءومىر سالتىمەن اينالىسسا دا، جىلدام كومىرسۋلار ادامنىڭ سالماعىن ارتتىرا الادى. ال فاستفۋد تۇتىنعاننان كەيىن ءدال وسى كومىرسۋلاردىڭ كەسىرىنەن اشتىق سەزىمى ءبىر ساعات ىشىندە پايدا بولادى. ونىڭ بارلىق دەرلىك تۇرلەرىندە مايدىڭ مولشەرى كوپ. بۇل قانداعى حولەستەريننىڭ كوبەيۋىنە اكەلەدى. جانە بۇل جۇرەك-قان تامىرلارى مەن ەندوكريندىك جۇيەلەر اۋرۋلارى تۇرىندە كورىنەدى. فاست فۋدتىڭ قۇرامىندا ءبىزدىڭ ورگانيزمدە سۋدى ساقتايتىن كوپتەگەن قوسپالار، دامدەۋىشتەر مەن تۇزدار بار. سول سەبەپتى، ادامدا ءىسىنۋ مەن بۇيرەك پاتولوگياسى بولادى. ادامدا فاست فۋدتى ۇنەمى قولدانعان كەزدە گاستريت نەمەسە كوليت اۋرۋلارى پايدا بولادى.
فاست فۋد تۇتىنۋدان تۋىندايتىن قاۋىپتەر
سونىمەن قاتار فاست فۋدپەن تۇتىنۋدان تۋىندايتىن مىناداي بەس نەگىزگى جانە قاۋىپتى سالدارى بار.
- سەمىزدىك. سەمىزدىك دەگەنىمىز - اعزادا مايدىڭ كوپ مولشەردە ساقتالۋى. فاست فۋدتىڭ قۇرامىندا كالوريا مەن قانت كوپ، بۇل سالماق قوسۋعا ىقپال ەتەدى. فاست فۋدتىڭ از مولشەرىنىڭ ءوزى كالوريانى ەداۋىر ارتتىرا الادى. سونداي-اق، فاست فۋدپەن تاماقتانۋ ادام جەمىس-جيدەكتەردى، كوكونىستەردى، ءسۇتتى جانە ت.س.س.-ءتى از تۇتىنۋىنا اكەپ سوقتىرادى. تاماقتانۋ ۋاقىتىنىڭ وزگەرۋى سەمىزدىككە اكەلۋى مۇمكىن.
- جۇرەك اۋرۋلارى. فاست فۋدتى اپتاسىنا ءتورت جانە ودان دا كوپ رەت قولداناتىن ادامدار جۇرەك اۋرۋىنان ءولۋ قاۋپىن 80%-عا ارتتىرادى. سەبەبى بۇل تاعامداردا قانىققان نەمەسە ترانس مايلار كوپ. بۇل مايلار تامىرلاردى جاۋىپ، ۋاقىت وتە كەلە حولەستەرين دەڭگەيىنىڭ جوعارىلاۋىنا ىقپال ەتۋى مۇمكىن.
- 2 ءتيپتى قانت ديابەتى. فاست فۋد كوپتەگەن بوس ۋاقىتى جوق، ۇيدە تاماق دايىنداۋدىڭ جىلدام ءارى ارزان بالاماسىن ىزدەيتىن ادامدار ءۇشىن ءومىر سالتىنا اينالدى. وسىنىڭ سالدارىنان، كەيبىر ادامدار كوبىنەسە دۇرىس ەمەس ءومىر سالتىنان تۋىنداعان ەكىنشى ءتيپتى قانت ديابەتىن قوزدىرادى.
- اسقازان-ىشەك جاراسى - ەڭ كوپ تارالعان قاۋىپتى اۋرۋلاردىڭ ءبىر ءتۇرى. 100 جىلعا جۋىق ۋاقىتتا دارىگەرلەر ىشەك جاراسى سترەسستەن، اششى تاعامداردان جانە الكوگولدەن پايدا بولادى دەپ سەنگەن. بىراق 20 عاسىردا پيتستسا، چيپسى، تۇزدى جاڭعاق سياقتى فاست فۋدتىڭ دا جاراعا اسەر ەتەتىنى بەلگىلى بولدى.
- تابەتتىڭ تومەندەۋى. كادىمگى تاماق قۇرامىندا فاست فۋدتا جوق قورەكتىك زاتتار بار. اتالمىش «دايىنداۋعا قولايلى» تاعامدى ۇنەمى جەۋ تابەتتىڭ تومەندەۋىنە، اس قورىتۋدىڭ بۇزىلۋىنا، كەيدە تاماقتان ۋلانۋعا اكەلۋى مۇمكىن. سەبەبى، فاست فۋد اسقازاننىڭ بارلىق قاجەتتىلىكتەرىن قاناعاتتاندىرا المايدى.
دارىگەرلەر قانداي كەڭەس بەرەدى؟
الەمدىك دارىگەرلەر ءاردايىم وزدەرىنىڭ كەڭەستەرىمەن ءبولىسىپ وتىرادى. ماسەلەن، ديەتولوگ دريۋ وردون فاست فۋدتىڭ باۋىرعا گەپاتيت سياقتى زياندى اسەرى بار ەكەنىن مالىمدەدى. ميچيگان ۋنيۆەرسيتەتىنىڭ دارىگەرلەرى ءوز كەزەگىندە فاست فۋدتى ۇناتاتىن ءجاسوسپىرىم قىزداردىڭ كەۋدە جاسۋشالارىنىڭ وزگەرۋىنە بايلانىستى دەنساۋلىعىن قاتتى بۇزۋى مۇمكىن ەكەنىن انىقتادى. بۇل ءسۇت بەزى قاتەرلى ىسىگىنىڭ دامۋ قاۋپىنىڭ جوعارىلاۋىنا اكەلەدى. بارلىق دارىگەرلەر مەن ديەتولوگتار فاست فۋدتىڭ ەكى ءتۇرى بار ەكەنىن ايتادى: زياندى جانە وتە زياندى. تاعامنىڭ وسى تۇرىمەن ۇنەمى تاماقتانۋعا بولمايدى جانە فاست فۋدتان مۇلدەم باس تارتقان دۇرىس دەپ ەسەپتەيدى.
ءسوزىمدى قازاقتىڭ مىنا سوزىمەن اياقتاعىم كەلەدى. «دەرت كوپ – دەنساۋلىق بىرەۋ». سوندىقتان، دەنساۋلىعىمىزدى ساقتاپ، اعزاعا پايدالى نارسەلەرمەن تۇتىنايىق.
ايارۋ داۋلەت،
«تۇران» ۋنيۆەرسيتەتى
«جۋرناليستيكا» ماماندىعىنىڭ
2-كۋرس ستۋدەنتى
