اسكەري قاقتىعىستار باستالعان ساتتەن باستاپ مىڭداعان تاۋلى قاراباق تۇرعىندارى ارمەنياعا قونىس اۋدارۋدا. بوسقىندار لەگى ارمەنيا مەن تاۋلى قاراباق شەكاراسىنداعى گوريس قالاسىنا اعىلۋدا دەپ حابارلايدى «ادىرنا» ۇلتتىق پورتالى newsroom.kz سايتىنا سىلتەمە جاساپ.
«قاراباقتان كەلگەن بوسقىندار گوريس قالاسىنىڭ اكىمشىلىگىنە كەلەدى، ارتىنشا ولاردى ارمەنياداعى تۋىستارى الىپ كەتەدى نەمەسە جەرگىلىكتى قوناق ۇيگە تۇراقتايدى» دەپ حابارلايدى رەسەيلىك ۆۆس ارناسى.
گوريس قالاسىندا ليۆان مەن اقش-تان كەلگەن ۇلتى ارميان بايكەرلەر بوسقىندارعا كومەكتەسۋدە. ولار بۇل ايماققا قاقتىعىس باستالماي تۇرىپ كەلگەن، ال سوعىس قيمىلدارى باستالعان سوڭ، كەرى قايتۋعا مۇمكىندىك بولماعان. گوريس قالاسىنىڭ ماڭىنداعى ۆەريشەن اۋىلىنداعى 170 بوسقىنعا ازىق-تۇلىك پەن كيىم ساتىپ الۋعا كومەكتەسۋدە. بايكەرلەر گوريستە بوسقىندار وتە كوپ ەكەنىن مالىمدەدى. گوريس قالاسىنداعى Yeghevnut قوناق ۇيىندە بار-جوعى 78 ادامعا ورىن بار، الايدا بوسقىنداردىڭ كوپتىگىنەن قازىر وندا 127 ادام ورنالاستىرىلعان. بۇعان دەيىن جاپونيا جانە ەۋروپا تۋريستەرىن قابىلداپ كەلگەن قوناق ۇيگە بۇگىندە قاراباقتان قونىس اۋدارعان ارمياندار تۇراقتاعان. قالادا 1200-1500 بوسقىن بار.
فوتو اشىق دەرەككوزدەن الىندى.
