Facebook جەلىسىندە قىرعىزستاننىڭ ەكس-پرەزيدەنتى المازبەك اتامباەۆتىڭ تەرگەۋ يزولياتورىنان بوساتىلعاننان كەيىن تۇسكەن سۋرەتى پايدا بولدى. ونى قدپ ساياسي پارتياسىنىڭ وكىلى قۇندىز جولدىباەۆا جۇكتەگەن.
«المازبەك شارشەنوۆيچ بارشا حالىققا جالىندى سالەم جولدايدى!»– دەپ جازدى ول.
ايتا كەتەيىك، رەسپۋبليكانىڭ زاڭنامالىق ورگانىنا وتپەي قالعان پارتيا جاقتاستارى بىشكەكتە نارازىلىق اكتسياسىنا شىقققان ەدى. كەيىن ولار «اق ءۇي» قاقپاسىن جۇك كولىگىمەن بۇزىپ، ىشكە كىرگەن. بۇل نارازىلىقتىڭ ارتى جاپپاي تارتىپسىزدىككە ۇلاستى.
«ادىرنا» ۇلتتىق پورتالى
