شىمكەنتتىكتەر تۇرعىلىقتى جەرى بويىنشا ونلاين ارقىلى ءجيى تىركەلە باستادى

1230
Adyrna.kz Telegram

جىل باسىنان بەرى شىمكەنت قالاسىنىڭ حالىققا قىزمەت كورسەتۋ ورتالىقتارى ارقىلى ءۇش مىڭعا جۋىق ازامات تۇرعىلىقتى جەرى بويىنشا تىركەلگەن.

2020 جىلى egov.kz پورتالىنداعى «قازاقستان رەسپۋبليكاسى ازاماتتارىن تۇرعىلىقتى جەر بويىنشا تىركەۋ» قىزمەتىنە سۇرانىس ەكى ەسەگە جۋىق وسكەنى بايقالادى.

پاندەميا ەلەكتروندى قىزمەتتەردىڭ دامۋىنا ۇلكەن سەرپىن بەردى. ەگەر بۇرىن ۇلكەنى دە، كىشىسى دە قاراپايىم انىقتامالار ءۇشىن حالىققا قىزمەت كورسەتۋ ورتالىعىنا بارۋدى ءجون كورەتىن بولسا، كارانتين جاعدايىندا دەنساۋلىقتارىنا الاڭداعان ازاماتتار مەملەكەتتىك قىزمەتتەردى ءوز بەتىنشە ونلاين تۇردە الا باستادى.

«ازاماتتارعا ارنالعان ۇكىمەت» مەملەكەتتىك كورپوراتسياسىنىڭ شىمكەنت قالاسىنداعى ءباسپاسوز حاتشىسى التىناي تاتاەۆانىڭ ايتۋىنشا، ول قىزمەتتى پايدالانۋ ءۇشىن،تۇرعىن ءۇي يەسى مەن وندا تىركەلۋ نيەتىن بىلدىرگەن ازاماتتا ەلەكتروندىق تسيفرلىق قولتاڭبا (ەتسق) نەمەسە سمس-پارول كومەگىمەن ء(موبيلدى ازاماتتار بازاسىندا تىركەۋدىڭ بولۋى مىندەتتى) پورتالدا اۆتوريزاتسيادان ءوتۋى قاجەت.

- ءوتىنىش بەرۋشى –جىلجىمايتىن مۇلىك يەسى بولسا، ءوتىنىمدى تولتىرىپ، سودان كەيىن ەتسق-مەن نەمەسە SMS-پارول ارقىلى قول قويۋى جەتكىلىكتى. تۇرعىن ءۇيدىڭ مەنشىك يەسى ءۇشىنشى تاراپ بولعان جاعدايدا، ءوتىنىش بەرۋشى مەنشىك يەسىنىڭ جسن-ىن، جىلجىمايتىن مۇلىكتىڭ مەكەنجايىن، ۋاقىتشا تىركەلۋدىڭ مەرزىمىن كورسەتۋى جانە مەنشىك يەسىنىڭ جەكە كابينەتىنە كەلىپ تۇسەتىن سۇراۋ سالۋدى جىبەرۋى قاجەت.

تىركەلۋشى ازامات ءوتىنىش جاساپ، مۇلىك يەسى ونى راستاۋى قاجەت - دەدى التىناي تاتاەۆا.
مەملەكەتتىك قىزمەتتى Egov.kz ەلەكتروندى ۇكىمەت پورتالىندا «تۇرعىنداردى تىركەۋ قىزمەتىن «ازاماتتىق، ميگراتسيا جانە يمميگراتسيا» – «حالىقتى تىركەۋ جانە تىركەۋ ەسەبىنەن شىعارۋ» بولىمىنەن تابۋعا بولادى.

وسىدان كەيىن، ءوتىنىم قر ءىىم جۇيەسىنە تۇسەدى، ونىڭ وڭدەلۋىنە
10 مينۋتتان اسا ۋاقىت كەتەدى. وڭدەلىپ بولعان سوڭ، پورتالدا «مەكەنجايدىڭ تىركەلۋى ءساتتى تۇردە ءوتتى» دەگەن مارەبە كورسەتىلەدى. تىركەلۋ تۋرالى اقپارات ازاماتتىڭ جەكە كابينەتىندە كورسەتىلەدى.

"ازاماتتارعا ارنالعان ۇكىمەت" مك كەاق شىمكەنت ق. بويىنشا فيليالىنىڭ ءباسپاسوز قىزمەتى

پىكىرلەر