Jyl basynan beri Shymkent qalasynyń halyqqa qyzmet kórsetý ortalyqtary arqyly úsh myńǵa jýyq azamat turǵylyqty jeri boıynsha tirkelgen.
2020 jyly egov.kz portalyndaǵy «Qazaqstan Respýblıkasy azamattaryn turǵylyqty jer boıynsha tirkeý» qyzmetine suranys eki esege jýyq óskeni baıqalady.
Pandemııa elektrondy qyzmetterdiń damýyna úlken serpin berdi. Eger buryn úlkeni de, kishisi de qarapaıym anyqtamalar úshin halyqqa qyzmet kórsetý ortalyǵyna barýdy jón kóretin bolsa, karantın jaǵdaıynda densaýlyqtaryna alańdaǵan azamattar memlekettik qyzmetterdi óz betinshe onlaın túrde ala bastady.
«Azamattarǵa arnalǵan úkimet» memlekettik korporaııasynyń Shymkent qalasyndaǵy baspasóz hatshysy Altynaı Tataevanyń aıtýynsha, ol qyzmetti paıdalaný úshin,turǵyn úı ıesi men onda tirkelý nıetin bildirgen azamatta elektrondyq ıfrlyq qoltańba (EQ) nemese sms-parol kómegimen (mobıldi azamattar bazasynda tirkeýdiń bolýy mindetti) portalda avtorızaııadan ótýi qajet.
- Ótinish berýshi –jyljymaıtyn múlik ıesi bolsa, ótinimdi toltyryp, sodan keıin EQ-men nemese SMS-parol arqyly qol qoıýy jetkilikti. Turǵyn úıdiń menshik ıesi úshinshi tarap bolǵan jaǵdaıda, ótinish berýshi menshik ıesiniń JSN-yn, jyljymaıtyn múliktiń mekenjaıyn, ýaqytsha tirkelýdiń merzimin kórsetýi jáne menshik ıesiniń jeke kabınetine kelip túsetin suraý salýdy jiberýi qajet.
Tirkelýshi azamat ótinish jasap, múlik ıesi ony rastaýy qajet - dedi Altynaı Tataeva.
Memlekettik qyzmetti Egov.kz elektrondy úkimet portalynda «Turǵyndardy tirkeý qyzmetin «Azamattyq, mıgraııa jáne ımmıgraııa» – «Halyqty tirkeý jáne tirkeý esebinen shyǵarý» bóliminen tabýǵa bolady.
Osydan keıin, ótinim QR IIM júıesine túsedi, onyń óńdelýine
10 mınýttan asa ýaqyt ketedi. Óńdelip bolǵan soń, portalda «Mekenjaıdyń tirkelýi sátti túrde ótti» degen márebe kórsetiledi. Tirkelý týraly aqparat azamattyń Jeke kabınetinde kórsetiledi.
"Azamattarǵa arnalǵan úkimet" MK KEAQ Shymkent q. boıynsha fılıalynyń baspasóz qyzmeti
