بۇگىن شىمكەنت قالاسى اكىمىنىڭ وكىمىنە سايكەس قالالىق مادەنيەت، تىلدەردى دامىتۋ جانە ارحيۆتەر باسقارماسىنىڭ باسشىسى لاۋازىمىنا ەسەنوۆا حانزادا ازىمحانقىزى تاعايىندالدى.
حانزادا ازىمحانقىزى 1972 جىلى شىمكەنت قالاسىندا دۇنيەگە كەلگەن.
1995 جىلى ءال-فارابي اتىنداعى شىمكەنت پەداگوگيكا جانە مادەنيەت ينستيتۋتىن، 2015 جىلى رەسەي ءبىلىم اكادەمياسى ونەر جانە مادەنيەتتانۋ ينستيتۋتىن، 2016 جىلى رف پرەزيدەنتى جانىنداعى رەسەي حالىق شارۋاشىلىعى جانە مەملەكەتتىك قىزمەت اكادەمياسىن بىتىرگەن. ماماندىعى — مادەني-اعارتۋ جۇمىستارىنىڭ مامانى-بوس ۋاقىت پەداگوگى. پەدوگوگيكا عىلىمدارىنىڭ كانديداتى، ىسكەرلىك اكىمشىلەندىرۋ شەبەرى.
ەڭبەك جولىن 1989 جىلى شىمكەنت قالاسى ەڭبەكشى اۋدانى كومسومول جاستار ۇيىمىنىڭ تىركەۋ سەكتورىنىڭ مامانى بولىپ باستاعان.
1990-1991 جىلدارى «شىمكەنت شينا» زاۋىتىندا كومسومول جاستار ۇيىمى حاتشىسىنىڭ ورىنباسارى بولعان.
1995-1999 جىلدارى شىمكەنت قالاسى وقۋشىلار ۇيىندە بالالار مەن جاسوسپىرىمدەر ستۋدياسىنىڭ ۇيىمداستىرۋشى-پەداگوگى بولىپ جۇمىس ىستەدى.
1999-2000 جىلدارى الماتى قالاسىندا دارىندى بالالارعا ارنالعان «دارىن» رەسپۋبليكالىق عىلىمي-پراكتيكالىق ورتالىعىندا قوعاممەن بايلانىس جونىندەگى جەتەكشى مامان بولىپ ەڭبەك ەتتى.
2000-2002 جىلدارى ت.جۇرگەنوۆ اتىنداعى قازاق ۇلتتىق ونەر اكادەمياسىندا شىعارماشىلىق ناسيحات ءبولىمىنىڭ مەڭگەرۋشىسى، وقۋ-وندىرىستىك پراكتيكا مەڭگەرۋشىسى، ديرەكتوردىڭ وقۋ-وندىرىستىك پراكتيكا جونىندەگى ورىنباسارى بولدى.
2002-2017 جىلدارى الماتى قالاسىنداعى ءا.قاستەەۆ اتىنداعى بەينەلەۋ ونەرى جانە تەحنيكالىق كوركەمدەۋ مەكتەبىنىڭ ديرەكتورى بولدى.
2012-2017 جىلدارى الماتى قالالىق ماسليحاتىنىڭ V-VI شاقىرىلىمدارداعى دەپۋتاتى بولىپ سايلاندى.
2018-2019 جىلدارى الماتى قالالىق مادەنيەت جانە مۇراعاتتار باسقارماسىنىڭ باسشىسى لاۋازىمىندا قىزمەت اتقاردى.
2012 جىلدان باستاپ بۇگىنگى كۇنگە دەيىن قازاقستان رەسپۋبليكاسىنىڭ يۋنەسكو جانە يسەسكو ىستەرى جونىندەگى ۇلتتىق كوميسسياسى جانىنداعى ماتەريالدىق ەمەس مادەني مۇرانى قورعاۋ ۇلتتىق كوميتەتىنىڭ ءتورايىمى بولىپ ەڭبەك ەتىپ كەلگەن.
شىمكەنت قالاسى اكىمىنىڭ ءباسپاسوز قىزمەتى
