Búgin Shymkent qalasy ákiminiń ókimine sáıkes qalalyq mádenıet, tilderdi damytý jáne arhıvter basqarmasynyń basshysy laýazymyna Esenova Hanzada Ázimhanqyzy taǵaıyndaldy.
Hanzada Ázimhanqyzy 1972 jyly Shymkent qalasynda dúnıege kelgen.
1995 jyly Ál-Farabı atyndaǵy Shymkent pedagogıka jáne mádenıet ınstıtýtyn, 2015 jyly Reseı bilim akademııasy Óner jáne mádenıettaný ınstıtýtyn, 2016 jyly RF Prezıdenti janyndaǵy Reseı halyq sharýashylyǵy jáne memlekettik qyzmet akademııasyn bitirgen. Mamandyǵy — mádenı-aǵartý jumystarynyń mamany-bos ýaqyt pedagogy. Pedogogıka ǵylymdarynyń kandıdaty, iskerlik ákimshilendirý sheberi.
Eńbek jolyn 1989 jyly Shymkent qalasy Eńbekshi aýdany komsomol jastar uıymynyń tirkeý sektorynyń mamany bolyp bastaǵan.
1990-1991 jyldary «Shymkent shına» zaýytynda komsomol jastar uıymy hatshysynyń orynbasary bolǵan.
1995-1999 jyldary Shymkent qalasy Oqýshylar úıinde balalar men jasóspirimder stýdııasynyń uıymdastyrýshy-pedagogy bolyp jumys istedi.
1999-2000 jyldary Almaty qalasynda daryndy balalarǵa arnalǵan «Daryn» respýblıkalyq ǵylymı-praktıkalyq ortalyǵynda qoǵammen baılanys jónindegi jetekshi maman bolyp eńbek etti.
2000-2002 jyldary T.Júrgenov atyndaǵy qazaq ulttyq Óner akademııasynda shyǵarmashylyq nasıhat bóliminiń meńgerýshisi, oqý-óndiristik praktıka meńgerýshisi, dırektordyń oqý-óndiristik praktıka jónindegi orynbasary boldy.
2002-2017 jyldary Almaty qalasyndaǵy Á.Qasteev atyndaǵy beıneleý óneri jáne tehnıkalyq kórkemdeý mektebiniń dırektory boldy.
2012-2017 jyldary Almaty qalalyq maslıhatynyń V-VI shaqyrylymdardaǵy depýtaty bolyp saılandy.
2018-2019 jyldary Almaty qalalyq mádenıet jáne muraǵattar basqarmasynyń basshysy laýazymynda qyzmet atqardy.
2012 jyldan bastap búgingi kúnge deıin Qazaqstan Respýblıkasynyń IýNESKO jáne ISESKO isteri jónindegi Ulttyq komıssııasy janyndaǵy Materıaldyq emes mádenı murany qorǵaý Ulttyq komıtetiniń tóraıymy bolyp eńbek etip kelgen.
Shymkent qalasy ákiminiń baspasóz qyzmeti
