كوروناۆيرۋس جۇقتىرعان اقش پرەزيدەنتى دونالد ترامپ مەريلەند شتاتىندا ورنالاسقان Walter Reed اسكەري اۋرۋحاناسىنا (Walter Reed National Military Medical Center) جاتقىزىلدى. بۇل تۋرالى ربك سايتىندا حابارلاندى دەپ جازادى BAQ.KZ.
اق ءۇيدىڭ ءباسپاسوز قىزمەتى حابارلاعانداي، بۇل دارىگەرلەردىڭ ۇسىنىمى بويىنشا باسقالارعا جۇقتىرۋدىڭ الدىن الۋ ماقساتىندا جاسالدى. ترامپ اۋرۋحانا كەڭسەسىندە جۇمىسىن جالعاستىرىپ جاتىر.
اق ءۇيدىڭ ءباسپاسوز حاتشىسى كەيلي ماكينەنيدىڭ ايتۋىنشا، پرەزيدەنتكە Regeneron كومپانياسىنىڭ كوروناۆيرۋستىق ينفەكتسياعا قارسى انتيدەنەلەرى سالىندى. بۇدان بولەك، مەملەكەت باسشىسى تسينك، D دارۋمەنى، فاموتيدين، مەلاتونين جانە اسپيرين قابىلداپ جاتىر.
پرەزيدەنت دارىگەرى شونا كونليدىڭ ايتۋىنشا، ترامپ تەز شارشايدى، بىراق ونىڭ كوڭىل-كۇيى جاقسى.
كوروناۆيرۋس جۇقتىرعان مەلانيا ترامپتى جوتەل مەن باس اۋرۋى مازالايتىن كورىنەدى.
كەشە دونالد ترامپتىڭ ىندەت جۇقتىرعانىن ەستىگەن قاسىم-جومارت توقاەۆ ترامپ پەن ونىڭ جۇبايى مەلانيانىڭ كوروناۆيرۋستان تەزىرەك ساۋىعىپ كەتۋىنە شىن كوڭىلدەن تىلەكتەستىك بىلدىرىرەتىنىن ايتقان.
ايتا كەتەيىك، 3 قاراشادا اقش-تا پرەزيدەن سايلاۋى وتەدى. ترامتىڭ باستى قارسىلاسى – دجو بايدەن. بايدەن اقش-تىڭ بۇرىنعى ۆيتسە پرەزيدەنتى.
29 قىركۇيەكتە دونالد ترامپ پەن دجو بايدەن العاشقى تەلەدەباتىن وتكىزىپ ۇلگەرگەن.. وندا مەديتسينا رەفورماسى، كوروناۆيرۋس پاندەمياسى، جوعارى سوتتىڭ جاڭا سۋدياسىن تاعايىنداۋ جانە ناسىلشىلدىك تاقىرىبىن تالقىلادى.
فوتو اشىق دەرەككوزدەن الىندى.
