قازاقستان پرەزيدەنتى قاسىم-جومارت توقاەۆ نيۋ-يوركتە اقش پرەزيدەنتىمەن كەزدەسكەن. ەكى ەل باسشىلارىنىڭ سۋرەتى ءبىر اپتادان سوڭ جاريالاندى، دەپ حابارلايدى "ادىرنا" ۇلتتىق پورتالى.
قوس پرەزيدەنتتىڭ سۋرەتتەرىن قر پرەزيدەنتىنىڭ كومەكشىسى — پرەزيدەنتتىڭ ءباسپاسوز حاتشىسى رۋسلان جەلدىباي تەلەگرام ارناسىنا جۇكتەگەن.
ايتا كەتەيىك، اقوردا تاراتقان حابارلامادا كەزدەسۋ كەزىندە ەكى ەل اراسىنداعى ستراتەگيالىق سەرىكتەستىكتىڭ نەگىزگى باعىتتارى تالقىلانعانى ءمالىم بولدى. كەزدەسۋ 22 قىركۇيەك كۇنى وتكەن. ال سۋرەتتەر 29 قىركۇيەكتە جاريا بولدى.
اسىرەسە ساۋدا-ەكونوميكالىق، ينۆەستيتسيالىق جانە يننوۆاتسيالىق سالالارداعى ىنتىماقتاستىقتى كەڭەيتۋ ماسەلەلەرىنە باسا نازار اۋدارىلدى. دونالد ترامپ قازاقستان مەن اقش اراسىنداعى بايلانىستاردى دامىتۋعا مۇددەلى ەكەنىن ايتىپ، ەكىجاقتى قارىم-قاتىناستىڭ الەۋەتى جوعارى ەكەنىن اتاپ ءوتتى.
سونىمەن قاتار، قاسىم-جومارت توقاەۆ نيۋ-يورككە ساپارى بارىسىندا بۇۇ باس اسسامبلەياسىنىڭ 80-سەسسياسىنا قاتىسىپ، بۇۇ-نى جاڭعىرتۋ باستاماسىن كوتەرگەن ەدى.
