ۋكرايناداعى قاقتىعىستى ء«بىر-ەكى ايدىڭ ىشىندە» رەتتەۋگە ءالى دە مۇمكىندىك بار. بۇل تۋرالى اقش پرەزيدەنتى دونالد ترامپ CBS News تەلەارناسىنا بەرگەن سۇحباتىندا ايتتى، دەپ حابارلايدى «ادىرنا» ءتىلشىسى.
باسشىعا «قاقتىعىستى بىرنەشە ايدا توقتاتۋعا بولا ما؟» دەگەن سۇراق قويىلدى.
ء«يا، مەنىڭ ويىمشا، ءبىز مۇنى جۇزەگە اسىرا الامىز»،– دەدى ترامپ.
ول بۇعان دەيىن بىرقاتار حالىقارالىق قاقتىعىستى رەتتەي العانىن اتاپ ءوتتى.
«سوعىسۋشى تاراپتارعا: «ەگەر سوعىستى توقتاتپاساڭدار، ەكى ەلگە دە باج سالىعىن ەنگىزەمىن، سوندا سەندەر اقش-پەن بيزنەس جاساي المايسىڭدار»،–دەيتىنمىن»،– دەپ ءتۇسىندىردى ترامپ.
ايتۋىنشا، ماسكەۋ ۆاشينگتونمەن قارىم-قاتىناستى دامىتۋدى قالايدى.
«مەنىڭشە، پۋتين اقش-پەن ىسكەرلىك بايلانىس ورناتقىسى كەلەدى»، — دەدى ترامپ.
بۇعان دەيىن امەريكالىق كوشباسشى بىرنەشە رەت ۋكرايناداعى سوعىستى تەز توقتاتا الاتىنىن ايتقان. مىسالى سايلاۋالدى ناۋقان كەزىندە ول «ۋكراين داعدارىسىن ءبىر تاۋلىكتە شەشۋگە بولادى» دەپ مالىمدەگەن. الايدا كەيىن بۇل ۇدەرىسكە كوبىرەك ۋاقىت كەرەگىن مويىنداعان.
