شىمكەنتتە جاندىكتەردىڭ كوزىن جويامىن دەپ ءۇش بىردەي ءبۇلدىرشىننىڭ ۋلانۋىنا سەبەپشى بولعان مامان 5 جىلعا سوتتالدى، دەپ حابارلايدى «ادىرنا» ۇلتتىق پورتالى «Astana TV» ارناسىنا سىلتەمە جاساپ.
ول جازاسىن قىلمىستىق-اتقارۋ جۇيەسىنىڭ قاۋىپسىزدىگى بارىنشا تومەن مەكەمەسىندە وتەمەك. ەڭبەكشى اۋداندىق سوتىنىڭ سۋدياسى، ونىڭ بۇل قىلمىستى ابايسىزدا جاساعانىن جانە كامەلەت جاسىنا تولماعان بالالارىن ەسكەرگەنىن ايتتى. دەگەنمەن، سوتتالۋشى ەكى ۇلىنان ايرىلعان وتباسىعا 5 ملن تەڭگە مورالدىق وتەماقى تولەۋگە مىندەتتەلدى.
ايدوس سۇلتانوۆ، ەڭبەكشى اۋداندىق سوتىنىڭ توراعاسى:
-سوتقا دەيىنگى تەرگەپ-تەكسەرۋ بارىسىندا جيناقتالعان قۇجاتتاردىڭ، دالەلدەردىڭ جيىنتىعىمەن كىناسى تولىعىمەن دالەلىن تاۋىپ وتىر. ناتيجەسىندە ءۇش ءجاسوسپىرىم بالانىڭ قازا بولعانىن، كىناسىن مويىنداماعانىن، باس بوستاندىعىنان ايىرۋ جازاسى تاعايىندالىپ وتىر.
ەسكە سالايىق، بىلتىر قاراشادا تاسبولاتوۆتار وتباسى 4 جاستاعى جانە 10 ايلىق قوس ۇلىنان ايرىلىپ قالدى. ال اقپان ايىندا ەكىنشى وتباسىنىڭ 8 ايلىق قىزى ۋلانىپ، قايتىس بولدى. ۇكىمدى تىڭداعان سوتتالۋشىنىڭ جۇبايى العاشقى جاعدايعا كىنا نەگىزسىز ارتىلىپ وتىرعانىن ايتتى.
«ءبىز كورشى پاتەرگە دە زالالسىزداندىرۋ جۇمىسىن جۇرگىزدىك. دەسە دە، ولار ءدىن امان»،-دەدى ول.
كوپقاباتتى ۇيلەرگە بۇرگە مەن تاراقانعا قارسى ءدارى شاشىپ كەلگەن مامان ۇكىمدى ونلاين تىڭدادى. تەرگەۋ بارىسىندا ونىڭ زالالسىزداندىرۋمەن اينالىسۋعا ليتسەنزياسى بولماعانى بەلگىلى بولدى. ول اۋىل شارۋاشىلىعىندا قولداناتىن ۋلى حيميكاتتاردى قولدانعانى دا سوتتا دالەلىن تاپقان.
«ادىرنا» ۇلتتىق پورتالى
