Úsh birdeı búldirshinniń ýlanýyna sebepker bolǵan maman 5 jylǵa sottaldy

2291
Adyrna.kz Telegram

Shymkentte jándikterdiń kózin joıamyn dep úsh birdeı búldirshinniń ýlanýyna sebepshi bolǵan maman 5 jylǵa sottaldy, dep habarlaıdy «Adyrna» ulttyq portaly «Astana TV» arnasyna silteme jasap.

Ol jazasyn qylmystyq-atqarý júıesiniń qaýipsizdigi barynsha tómen mekemesinde ótemek. Eńbekshi aýdandyq sotynyń sýdıasy, onyń bul qylmysty abaısyzda jasaǵanyn jáne kámelet jasyna tolmaǵan balalaryn eskergenin aıtty. Degenmen, sottalýshy eki ulynan aırylǵan otbasyǵa 5 mln teńge moraldyq ótemaqy tóleýge mindetteldi.

Aıdos SULTANOV, EŃBEKShI AÝDANDYQ SOTYNYŃ TÓRAǴASY:

-Sotqa deıingi tergep-tekserý barysynda jınaqtalǵan qujattardyń, dálelderdiń jıyntyǵymen kinási tolyǵymen dálelin taýyp otyr. Nátıjesinde úsh jasóspirim balanyń qaza bolǵanyn, kinásin moıyndamaǵanyn, bas bostandyǵynan aıyrý jazasy taǵaıyndalyp otyr.

Eske salaıyq, byltyr qarashada Tasbolatovtar otbasy 4 jastaǵy jáne 10 aılyq qos ulynan aırylyp qaldy. Al aqpan aıynda ekinshi otbasynyń 8 aılyq qyzy ýlanyp, qaıtys boldy. Úkimdi tyńdaǵan sottalýshynyń jubaıy alǵashqy jaǵdaıǵa kiná negizsiz artylyp otyrǵanyn aıtty.

«Biz kórshi páterge de zalalsyzdandyrý jumysyn júrgizdik. Dese de, olar din aman»,-dedi ol.

Kópqabatty úılerge búrge men taraqanǵa qarsy dári shashyp kelgen maman úkimdi onlaın tyńdady. Tergeý barysynda onyń zalalsyzdandyrýmen aınalysýǵa lıenzııasy bolmaǵany belgili boldy. Ol aýyl sharýashylyǵynda qoldanatyn ýly hımıkattardy qoldanǵany da sotta dálelin tapqan.

«Adyrna» ulttyq portaly

Pikirler