شىمكەنت: تۇرعىندارعا «HاLYK-SAULET» ەلەكتروندى جۇيەسى ارقىلى قىزمەت كورسەتىلۋدە

705

شىمكەنت قالاسىنداعى جەر، ساۋلەت جانە قالا قۇرىلىسى باسقارماسى ارقىلى 19 ءتۇرلى مەملەكەتتىك قىزمەت كورسەتىلەدى. بۇگىندە ونىڭ بارلىعى دا ەلەكتروندى تۇردە جۇرگىزىلىپ وتىر.

ماسەلەن، باسقارمانىڭ «نalyk-saulet» جۇيەسى ىسكە قوسىلعان بولاتىن. ول ارقىلى جىلجىمايتىن مۇلىككە نومەر بەرۋ، ونى ناقتىلاۋ جانە جويۋ قىزمەتتەرى تولىقتاي اۆتوماتتاندىرىلدى.

بۇعان دەيىن بۇل قىزمەتتى تۇرعىندار 6 جۇمىس كۇنى ىشىندە الىپ كەلگەن. قازىر ەلەكتروندى باعدارلامانىڭ ارقاسىندا جارتى ساعات كولەمىندە الۋ مۇمكىندىگى تۋىپ وتىر. بيىل 8 ايدا «نalyk-saulet» جۇيەسى ارقىلى ازاماتتارعا 7 500 مەملەكەتتىك قىزمەت كورسەتىلىپتى.

سونىمەن قاتار، حالىقتىڭ تاراپىنان ەڭ ۇلكەن سۇرانىسقا يە ساۋلەت-جوسپارلاۋ تاپسىرماسىن بەرۋ قىزمەتى (اپز) اۆتوماتتاندىرىلدى. بىلتىر وسى قىزمەتتى الۋ ءۇشىن 17 جۇمىس كۇنى قاجەت بولسا، قازىر 3 جۇمىس كۇنى ىشىندە الۋعا مۇمكىندىك بار.

ايتا كەتەيىك، اپز-نى الۋ كەزىندەگى تالاپ ەتىلەتىن تابيعي مونوپوليا سۋبەكتىلەرىنىڭ تەحنيكالىق شارتتارىن وتكەن جىلى 15-20 كۇندە الاتىن. اۆتوماتتاندىرىلعاننان كەيىن بۇل قىزمەت ءتۇرىن دە 2 جۇمىس كۇنى ىشىندە الۋعا بولادى.

شىمكەنت قالاسى اكىمىنىڭ ءباسپاسوز قىزمەتى

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket