شىمكەنتتەگى ءىرى مەتالل زاۋىتىنىڭ قۇرىلىسى اياقتالۋعا جاقى

1496
Adyrna.kz Telegram

مەملەكەت باسشىسى قاسىم-جومارت توقاەۆ قازاقستان حالقىنا ارناعان جولداۋىندا ونەركاسىپ ءوندىرىسىن 1,5 ەسەگە ارتتىرۋ تۋرالى تاپسىرما بەرگەنى بەلگىلى. سوعان سايكەس، شىمكەنت قالاسىندا مەتالل زاۋىتى سالىنىپ جاتىر.

«Sin Yuan Steel» جشس-ءى سالىپ جاتقان بۇل كاسىپورىن شىمكەنتتەگى ەڭ ءىرى مەتالل زاۋىتى بولماق. جىلىنا 18 ملرد. تەڭگەنىڭ مەتالل پروكاتىن وندىرەتىن جاڭا، زاماناۋي زاۋىت «وڭتۇستىك» يندۋستريالدى ايماعىندا ورنالاسقان. ءوندىرىس ورنى 19,48 گەكتار اۋماقتى الىپ جاتىر.

زاۋىتتىڭ قۇرىلىسى 2017 جىلى باستالعان. قازىر 90 پروتسەنتى سالىنىپ ءبىتتى. بۇگىندە زاۋىتتى ىسكە قوسۋعا دايىندىق ءجۇرىپ جاتىر.

زاۋىت ىسكە قوسىلعان كەزدە 250 تۇراقتى جۇمىس ورنى اشىلادى.

سونداي-اق، «Sin Yuan Steel» جشس-ءى ءوز اۋماعىندا قۋاتى 90 مۆت بولاتىن قوسالقى ستانتسيا سالعان.

كاسىپورىن جىلىنا 500 مىڭ توننادان استام دايىن ءونىم شىعارۋعا قاۋقارلى. شىعارىلاتىن ءونىم قاتارىندا ارماتۋرا (10 – 32 مم), سوزبا سىم (6 – 10 مم), بۇرىش (30 – 80 مم), پرۋت (10 – 20 مم), شۆەللەر (6 – 16 مم), جانە تاسپالى بولات بار.

ونىمدەردى نەگىزىنەن ورتا ازيا ەلدەرىنە ەكسپورتتاۋ جانە ىشكى نارىققا ساتۋ جوسپارلانىپ وتىر.

شىمكەنت قالاسى اكىمىنىڭ ءباسپاسوز قىزمەتى

پىكىرلەر