Memleket basşysy Qasym-Jomart Toqaev Qazaqstan halqyna arnaǧan Joldauynda önerkäsıp öndırısın 1,5 esege arttyru turaly tapsyrma bergenı belgılı. Soǧan säikes, Şymkent qalasynda metall zauyty salynyp jatyr.
«Sin Yuan Steel» JŞS-ı salyp jatqan būl käsıporyn Şymkenttegı eŋ ırı metall zauyty bolmaq. Jylyna 18 mlrd. teŋgenıŋ metall prokatyn öndıretın jaŋa, zamanaui zauyt «Oŋtüstık» industrialdy aimaǧynda ornalasqan. Öndırıs orny 19,48 gektar aumaqty alyp jatyr.
Zauyttyŋ qūrylysy 2017 jyly bastalǧan. Qazır 90 prosentı salynyp bıttı. Bügınde zauytty ıske qosuǧa daiyndyq jürıp jatyr.
Zauyt ıske qosylǧan kezde 250 tūraqty jūmys orny aşylady.
Sondai-aq, «Sin Yuan Steel» JŞS-ı öz aumaǧynda quaty 90 MVt bolatyn qosalqy stansiia salǧan.
Käsıporyn jylyna 500 myŋ tonnadan astam daiyn önım şyǧaruǧa qauqarly. Şyǧarylatyn önım qatarynda armatura (10 – 32 mm), sozba sym (6 – 10 mm), būryş (30 – 80 mm), prut (10 – 20 mm), şveller (6 – 16 mm), jäne taspaly bolat bar.
Önımderdı negızınen Orta Aziia elderıne eksporttau jäne ışkı naryqqa satu josparlanyp otyr.
Şymkent qalasy äkımınıŋ baspasöz qyzmetı
