شىمكەنت قالاسىنىڭ اۋداندارىندا قۇرىلعان موبيلدىك توپ كارانتيندىك تالاپتاردىڭ ساقتالۋىنا ۇدايى مونيتورينگ جۇمىستارىن جۇرگىزۋدە.
اباي اۋدانى بويىنشا موبيلدىك توپ "جولداس اتا" كافەسىن كارانتين تالاپتارىن ساقتاماعانى ءۇشىن نىسان يەسىنە اكىمشىلىك حاتتاما تولتىردى.
سونىمەن قاتار، "الاش" بازارىندا ورنالاسقان دۇكەندەر مەن اسحانالارعا كارانتيندىك تالاپتاردى ساقتاۋى بويىنشا تۇسىندىرمە جۇمىستارىن جۇرگىزدى.
موبيلدىك توپ بازار اكىمشىلىگىنە كارانتين تالاپتارىن قاتاڭ ساقتاۋ بويىنشا ەسكەرتۋلەر جاسادى.
اباي اۋدانى اكىمدىگى ادامدار كوپ شوعىرلاناتىن قوعامدىق ورىنداردا، قوعامدىق كولىكتەردە جانە قىزمەت كورسەتەتىن مەكەمەلەردە مىندەتتى تۇردە بەتپەردە تاعىپ، كارانتين تالاپتارىن ساقتاۋعا شاقىرادى.
شىمكەنت قالاسىنىڭ اقپاراتتىق-كوممۋنيكاتسيالىق ورتالىعى
