ءوز بويىڭىزداعى تاۋەلدىلىكتى "تانيسىز" با؟ اركىمنىڭ-اق بويىندا قانداي دا ءبىر دۇنيەگە نە ادەتكە تاۋەلدىلىك بولادى. ول كەيدە ەشكىمگە زيانى تيمەيتىندەي، ال كەيدە جاپا شەكتىرەرلىكتەي قاۋىپتى. ەكىنشى جاعدايداعىسىمەن ۋاقىت وزدىرماي كۇرەسۋ قاجەت. ءسىز ءوز بويىڭىزداعى تاۋەلدىلىكتى "تانيسىز" با؟
توقتى – كوفە
ولار كوفەينگە تاۋەلدى. قانداي دا ءبىر سبەپتەرمەن كوفەدەن باس تارتسا، ونىڭ ورنىن شاي نە باسقا دا كوفەيندى سۋسىنمەن الماستىرادى. تاۋلدىلىكتىڭ باستى سەبەبى – قيىن تاعدىر، قاربالاس ءومىر نە اينالىساتىن ىسىنە تولىققاندى بەرىلگەندىك بولۋى مۇمكىن.
تورپاق – تاماق
تاماققا تاۋەلدى دەگەندە كوز الدىڭىزعا الدىنا كەلگەندى اساپ، وڭدى-سولدى وپىرىپ جەي بەرەتىندەر ەلەستەي مە؟ تورپاقتار ونداي ەمەس. كەرىسىنشە، ناعىز تاماق تالعاعىشتار. تەك، كوكەيىندەگى استى بارىنشا باپتاپ جەمەسە، كوڭىلى تويمايدى. سوندىقتان قاي جەردىڭ ءمازىرى قانداي، قايسىبىر تاعامنىڭ ەڭ ءدامدىسىن قايدان تابۋعا بولاتىنىن اقسى بىلەدى. سونداي-اق، كەرەمەت اسپاز.
ەگىزدەر – الەۋمەتتىك جەلى
ولار تۋعاننان بىلىمگە قۇشتار، اسقان قىزىعۋشىلىق يەلەرى. ويىنا ءبىر سۇراق كەلسە، سونىڭ شەشۋىن تابۋ ءۇشىن تەرەڭ ىزدەنەدى. جان-جاقتاعىنىڭ بارىنەن حاباردار بولىپ وتىرعاندى جاقسى كورەدى. وسى جان قالاۋى ولاردى عالامتور، الەۋمەتتىك جەلىگە ابدەن تاۋەلدى ەتكەن.
شايان – رومانتيكا، سەزىم
ولار قاشان دا سەزىمگە شولدەپ جۇرەدى. وزگەلەردىڭ ماحابباتىنا، مەيىرىمىنە ءزارۋ. ادامدارمەن بارىنشا سۇيىسپەنشىالىككە تولى، وتە جاقىن قارىم-قاتىناس قۇرعىسى كەلەدى. ەگەر قانداي دا ءبىر جاننان سۋىقتىق، بەيجايلىق كورسە، سول ءۇشىن كوڭىلى قاتتى قۇلازيدى. وسى قالاۋىنا سايكەس، ءوزى دە اينالاسىنا شەكسىز ماحاببات، جان جىلۋىن، اسەرلى سەزىمدەر مەن ادەمى ساتتەر سىيلاۋعا بارىنشا تىرىسادى.
ارىستان – ساۋدا-ساتتىق
بەلگى يەلەرىنىڭ ساۋدا-ساتتىق جاساۋعا، كوڭىلى قالاعان زاتتى ساتىپ الۋعا دەگەن قۇشتارلىعى بارىنە ايان. ولارعا جاقسى كيىنگەن، قىمبات تا ەكسكليۋزيۆ بۇيىمدار ۇستاعان قاتتى ۇنايدى. قانداي كۇيزەلىستەن بولماسىن ءبىر عانا شوپپينگ-تەراپيا قۇتقارا الادى. بۇل تاۋەلدىلىكتىڭ سوڭى ارىستاندى اقشاسىن بوسقا شاشاتىن ىسىراپشىلعا اينالدىرادى.
بيكەش – تازالىق
جالپى، بيكەشتەر – وتە پىسىق ءارى ۇقىپتى جاندار. ولار تۇرمىستا دا، جۇمىستا دا، جالپى ومىردە رەتسىزدىكتى، ءتارتىپ ساقتاماۋدى جەك كورەدى. جۇرگەن جەرىنىڭ بارىنە رەتتىلىك ورناتىپ جۇرەدى. ءبىر قاراعاندا، بۇل ەش زيانسىز، ءتىپتى پايدالى ادەت سەكىلدى. الايدا، جۇيكەگە ارتىق سالماق تۇسىرەتىنىن دە ەسكەرۋ كەرەك.
تارازى – سۇلۋلىق پەن ماحاببات
بەلگى يەلەرى كىممەن بولماسىن اراقاتىناستا ادالدىق پەن تەپە-تەڭدىك ساقتالۋعا ءتيىس دەپ ەسەپتەيدى. سونداي-اق، ولار ءۇشىن كەز كەلگەن نارسەنىڭ سىرت كورىنىسى ەستەتيكالىق ءلاززات سىيلاۋعا ءتيىس. وسى تالابىنا ساي كەلەتىن جانداردىڭ الدىندا وتە ءالسىز.
سارىشايان – باقىلاۋ
باقىلاۋ مەن بيلىك جاساۋ بەلگى يەلەرى ءۇشىن اۋاداي قاجەت. بۇل تاۋەلدىلىگىن وتباسى مۇشەلەرىن، قولاستىنداعى قىزمەتكەرلەردى قاتاڭ باقىلاۋعا الۋ، ولارعا ۇستەمدىك ورناتۋمەن وتەيدى. بىرەۋلەرى شەگىن ءبىلىپ، ءتيىستى جەرىندە توقتاي السا، ەندى ءبىر سارىشاياندار تۇتقىنىنا اينالادى. مۇنداي جاعدايدا جاقىن ادامدارىمەن جاقسى قارىم-قاتىناس ورناتا المايتىنى ايدان انىق.
مەرگەن – قىزىقتى وقيعالار
ولاردىڭ جۇرگەن جەرى قىزىقتى وقيعا، توسىن جايلارعا تولى. اينالاسىن كۇلكىگە كومىپ، ءتۇرلى جاعدايلاردان تۋعان ەموتسياسىن شاشىپ جۇرەدى. ەگەر قانداي دا ءبىر جاعدايلار سالدارىنان ومىرىندە وسىنداي وقيعالار ورىن الماي قالسا، قاتتى قۇلازيدى.
تاۋەشكى – جۇمىس
ناعىز ەڭبەك ادامدارى. قاشان دا الدىندا ءبىر ماقساتى بار، ۇنەمى سوعان جەتۋ جولىندا تىنىم تاپپاي جۇرەدى. كەيدە قىزمەتىنە بەرىلىپ كەتكەنى سونشالىق، وزىنە، جەكە ومىرىنە ۋاقىت تاپپاي قالىپ جاتادى. وسى سەبەپتەن قاتتى قالجىراپ شارشاۋ، «ەموتسيونالدى جارىلىس» ءجيى ورىن الىپ تۇرادى.
سۋقۇيعىش – بوستاندىق
ەڭ ەرەكشە بەلگى يەلەرىنىڭ تاۋەلدىلىگى دە ەدەن ەرەك. ولار ەركىندىكتى جەر الەمدەگى بار بايلىقتان جوعارى باعالايدى. وزدەرىن قانداي دا ءبىر نارسەگە نە قارىم-قاتىناسقا ءتيىستى الدە تاۋەلدى سەزىنۋدەن بارىنشا قاشقاقتايدى. سوندىقتان قىزعانشاق، مەنشىكتەۋدى ۇناتاتىن ادادمارمەن اراقاتىناس مۇلدەم قۇرمايدى.
بالىقتار – ۇيقى
ولار ارمان-قيالشىل عانا ەمەس، ۇيقىشىل دا. مامىق جاستىق، جىلى توسەك، جايلى جەر دەگەندە بار جۇمىسىن تاستاپ جاتا كەتۋگە بار. سونداي-اق، دۇنيەدە ەڭ جەك كورەتىندەرىنىڭ ءبىرى رەتىندە وياتقىشتى اتايدى. جۇمىسقا نە كەزدەسۋگە كەشىكسە، «ۇيىقتاپ قالدىم» دەپ اقتالۋ ولار ءۇشىن قالىپتى. ويتكەنى، ۇيقىنى سونداي ماڭىزدى سەبەپتەر قاتارىنا جاتقىزادى.
اۋدارعان: ا.مەيىرحانقىزى، ERNUR.KZ
