Óz boıyńyzdaǵy táýeldilikti "tanısyz" ba? Árkimniń-aq boıynda qandaı da bir dúnıege ne ádetke táýeldilik bolady. Ol keıde eshkimge zııany tımeıtindeı, al keıde japa shektirerlikteı qaýipti. Ekinshi jaǵdaıdaǵysymen ýaqyt ozdyrmaı kúresý qajet. Siz óz boıyńyzdaǵy táýeldilikti "tanısyz" ba?
TOQTY – KOFE
Olar kofeınge táýeldi. Qandaı da bir sbeptermen kofeden bas tartsa, onyń ornyn shaı ne basqa da kofeındi sýsynmen almastyrady. Táýldiliktiń basty sebebi – qıyn taǵdyr, qarbalas ómir ne aınalysatyn isine tolyqqandy berilgendik bolýy múmkin.
TORPAQ – TAMAQ
Tamaqqa táýeldi degende kóz aldyńyzǵa aldyna kelgendi asap, ońdy-soldy opyryp jeı beretinder elesteı me? Torpaqtar ondaı emes. Kerisinshe, naǵyz tamaq talǵaǵyshtar. Tek, kókeıindegi asty barynsha baptap jemese, kóńili toımaıdy. Sondyqtan qaı jerdiń máziri qandaı, qaısybir taǵamnyń eń dámdisin qaıdan tabýǵa bolatynyn aqsy biledi. Sondaı-aq, keremet aspaz.
EGIZDER – ÁLEÝMETTIK JELI
Olar týǵannan bilimge qushtar, asqan qyzyǵýshylyq ıeleri. Oıyna bir suraq kelse, sonyń sheshýin tabý úshin tereń izdenedi. Jan-jaqtaǵynyń bárinen habardar bolyp otyrǵandy jaqsy kóredi. Osy jan qalaýy olardy ǵalamtor, áleýmettik jelige ábden táýeldi etken.
ShAIaN – ROMANTIKA, SEZIM
Olar qashan da sezimge shóldep júredi. Ózgelerdiń mahabbatyna, meıirimine zárý. Adamdarmen barynsha súıispenshiálikke toly, óte jaqyn qarym-qatynas qurǵysy keledi. Eger qandaı da bir jannan sýyqtyq, beıjaılyq kórse, sol úshin kóńili qatty qulazıdy. Osy qalaýyna sáıkes, ózi de aınalasyna sheksiz mahabbat, jan jylýyn, áserli sezimder men ádemi sátter syılaýǵa barynsha tyrysady.
ARYSTAN – SAÝDA-SATTYQ
Belgi ıeleriniń saýda-sattyq jasaýǵa, kóńili qalaǵan zatty satyp alýǵa degen qushtarlyǵy bárine aıan. Olarǵa jaqsy kıingen, qymbat ta eksklıýzıv buıymdar ustaǵan qatty unaıdy. Qandaı kúızelisten bolmasyn bir ǵana shoppıng-terapııa qutqara alady. Bul táýeldiliktiń sońy Arystandy aqshasyn bosqa shashatyn ysyrapshylǵa aınaldyrady.
BIKESh – TAZALYQ
Jalpy, Bıkeshter – óte pysyq ári uqypty jandar. Olar turmysta da, jumysta da, jalpy ómirde retsizdikti, tártip saqtamaýdy jek kóredi. Júrgen jeriniń bárine rettilik ornatyp júredi. Bir qaraǵanda, bul esh zııansyz, tipti paıdaly ádet sekildi. Alaıda, júıkege artyq salmaq túsiretinin de eskerý kerek.
TARAZY – SULÝLYQ PEN MAHABBAT
Belgi ıeleri kimmen bolmasyn araqatynasta adaldyq pen tepe-teńdik saqtalýǵa tıis dep esepteıdi. Sondaı-aq, olar úshin kez kelgen nárseniń syrt kórinisi estetıkalyq lázzat syılaýǵa tıis. Osy talabyna saı keletin jandardyń aldynda óte álsiz.
SARYShAIaN – BAQYLAÝ
Baqylaý men bılik jasaý belgi ıeleri úshin aýadaı qajet. Bul táýeldiligin otbasy múshelerin, qolastyndaǵy qyzmetkerlerdi qatań baqylaýǵa alý, olarǵa ústemdik ornatýmen óteıdi. Bireýleri shegin bilip, tıisti jerinde toqtaı alsa, endi bir Saryshaıandar tutqynyna aınalady. Mundaı jaǵdaıda jaqyn adamdarymen jaqsy qarym-qatynas ornata almaıtyny aıdan anyq.
MERGEN – QYZYQTY OQIǴALAR
Olardyń júrgen jeri qyzyqty oqıǵa, tosyn jaılarǵa toly. Aınalasyn kúlkige kómip, túrli jaǵdaılardan týǵan emoııasyn shashyp júredi. Eger qandaı da bir jaǵdaılar saldarynan ómirinde osyndaı oqıǵalar oryn almaı qalsa, qatty qulazıdy.
TAÝEShKI – JUMYS
Naǵyz eńbek adamdary. Qashan da aldynda bir maqsaty bar, únemi soǵan jetý jolynda tynym tappaı júredi. Keıde qyzmetine berilip ketkeni sonshalyq, ózine, jeke ómirine ýaqyt tappaı qalyp jatady. Osy sebepten qatty qaljyrap sharshaý, «emoıonaldy jarylys» jıi oryn alyp turady.
SÝQUIǴYSh – BOSTANDYQ
Eń erekshe belgi ıeleriniń táýeldiligi de eden erek. Olar erkindikti jer álemdegi bar baılyqtan joǵary baǵalaıdy. Ózderin qandaı da bir nársege ne qarym-qatynasqa tıisti álde táýeldi sezinýden barynsha qashqaqtaıdy. Sondyqtan qyzǵanshaq, menshikteýdi unatatyn adadmarmen araqatynas múldem qurmaıdy.
BALYQTAR – UIQY
Olar arman-qııalshyl ǵana emes, uıqyshyl da. Mamyq jastyq, jyly tósek, jaıly jer degende bar jumysyn tastap jata ketýge bar. Sondaı-aq, dúnıede eń jek kóretinderiniń biri retinde oıatqyshty ataıdy. Jumysqa ne kezdesýge keshikse, «Uıyqtap qaldym» dep aqtalý olar úshin qalypty. Óıtkeni, uıqyny sondaı mańyzdy sebepter qataryna jatqyzady.
Aýdarǵan: A.Meıirhanqyzy, ERNUR.KZ
