ءمامس جۇيەسىنىڭ ارتىقشىلىعى قانداي؟

مەديتسينالىق ساقتاندىرۋ – حالىقتىڭ دەنساۋلىعىن قورعاۋ جۇيەسى. ەلىمىزدە مەديتسينالىق ساقتاندىرۋدىڭ ەكى ءتۇرى بار:

• ەرىكتى مەديتسينالىق ساقتاندىرۋ;
• مىندەتتى مەديتسينالىق ساقتاندىرۋ.

ەرىكتى ساقتاندىرۋ، اتاۋى ايتىپ تۇرعانداي، ادامنىڭ قالاۋى بويىنشا عانا جۇزەگە اسىرىلادى. ال، مىندەتتى مەديتسينالىق ساقتاندىرۋ مەديتسينالىق جاردەمنىڭ ساپاسىن باقىلاۋعا مۇمكىندىك بەرەدى. ونىڭ ماقساتى – مىندەتتى مەديتسينالىق ساقتاندىرۋدىڭ بازالىق باعدارلاماسىمەن جانە مەديتسينالىق جاردەمنىڭ قولدانىستاعى ستاندارتتارىمەن كەپىلدەندىرىلگەن كولەم مەن ساپادا مەديتسينالىق جاردەممەن ازاماتتاردى قامتاماسىز ەتۋ. ايتا كەتەتىن بولساق، مىندەتتى مەديتسينالىق ساقتاندىرۋ دامىعان ەلدەردىڭ كوپشىلىگىندە بار جانە ازاماتتاردىڭ دەنساۋلىعىن قورعاۋعا ارنالعان. ماسەلەن، اقش-تا ءبىر ادامعا  جىلىنا 14 مىڭ دوللار جۇمسالادى. ءمامس پاكەتتەرى

1. «بازالىق پاكەت» - مەملەكەت تاراپىنان كەپىلدەندىرىلگەن تەگىن مەديتسينالىق كومەك. ونىڭ قاراجاتى رەسپۋبليكالىق بيۋدجەتتەن قاراستىرىلادى جانە كەز-كەلگەن ازاماتقا ۇسىنىلادى. بۇل پاكەتكە جەدەل مەديتسينالىق كومەك، سانيتارلىق اۆياتسيا، الەۋمەتتىك سيپاتتاعى اۋرۋ تۇرلەرىن ەمدەۋ، شۇعىل جاعدايداعى مەديتسينالىق كومەك، پروفيلاكتيكالىق ەكپەلەر كىرەدى.
2. «ساقتاندىرۋ پاكەتى» مەديتسينالىق ساقتاندىرۋ قورىنان قارجىلاندىرىلادى.

وعان امبۋلاتورلىق-ەمحانالىق ەمدەۋ، ستاتسيونارلىق ەمدەۋ، ستاتسيوناردى الماستىرۋشى كومەك، قالپىنا كەلتىرۋ ەمى، مەديتسينالىق وڭالتۋ، ءپاللياتيۆتى كومەك، مەيىربيكەلىك كۇتىم، جوعارى تەحنولوگيالىق كومەك تۇرلەرى كىرەدى. ءمامس جۇيەسىنىڭ ارتىقشىلىقتارى قانداي؟

• قىزمەتتەر پاكەتىنىڭ سوماسى شەكتەلمەگەن جانە تولەنگەن جارنا مولشەرىنە قارامايدى;
• ساقتاندىرۋ پاكەتى شەڭبەرىندە جوعارى تەحنولوگيالى وپەراتسيالار جاساۋعا بولادى; 

• پاكەت اۋرۋدىڭ الدىن الۋعا باقىتتالعان;

• ءمامس جۇيەسى ەركىن تاڭداۋ جاساۋعا مۇمكىندىك بەرەدى.

مەديتسينالىق ساقتاندىرۋ جۇيەسىنە جۇمىس بەرۋشىلەر اۋداراتىن تولەمدەردىڭ كولەمى قانداي بولۋى ءتيىس؟ 2020 جىلعى 1قاڭتاردان باستاپ – ءار جۇمىسكەردىڭ تابىسىنىڭ (ەڭبەككە اقى تولەۋ قورىنىڭ قاراجاتىنان)  2%; 2022 جىلعى 1 قاڭتاردان باستاپ – ءار جۇمىسكەردىڭ تابىسىنىڭ (ەڭبەككە اقى تولەۋ قورىنىڭ قاراجاتىنان) 3%-ىن تولەيدى. ازاماتتار جارنالار مەن تولەمدەر، كورسەتىلەتىن مەديتسينالىق قىزمەتتەر جايلى اقپاراتتى  حالىققا قىزمەت كورسەتۋ ورتالىقتارىنان نەمەسە www.egov.kz. سايتىنان كورە الادى. سونداي-اق، قوردىڭ  بىرىڭعاي بايلىس ورتالىعىنا  1406 نومەرى ارقىلى حابارلاسۋعا بولادى.  

«ادىرنا» ۇلتتىق پورتالى