قازاق قوعامىندا توقال تاقىرىبى تولاستاعان ەمەس. سوڭعى ۋاقىتتا كۇيەۋىنە ەكىنشى ايەل الىپ بەرۋگە بىلەك سىبانا كىرىسكەن بايبىشەلەر دە كوبەيىپ بارادى. وسىعان بايلانىستى ەر ازاماتتىڭ پىكىرى، كوزقاراسى قانداي؟ ەركەكتىڭ توقال الۋىن قوشتايتىن ايەلدەر تۋراسىندا Facebook جەلىسىنىڭ بەلسەندى قولدانۋشىسى تورتۋىل شوقان تومەندەگىدەي جازبا قالدىرىپتى.
ءجا، ەر ادامنىڭ توقال الۋىنا قارسى ەمەس ايەلدەر — ءوزى بەلگىلى بەلگىسىز سەبەپتەرمەن كۇيەۋىنەن اجىراعان ايەلدەر!
باسقانىڭ بايىن ءبولىسۋدىڭ باستى سەبەبى—قىزعانىش. كەيىنگىسى—بارشىلىقتا ءومىر سۇرۋگە تالپىنىس دەۋگە بولار.
ءوز كۇيەۋى «ءتىرى» ايەلدەردىڭ بايىن باسقامەن بولىسەتىندەرى— مىڭنان بىرەۋ عانا!
توقال الۋ—بالانىڭ جۇرەگىن جارالاۋ!
پسيحيكاسى بۇزىلعان بالانىڭ نە جانۇياسىنا، نە قوعامعا تيگىزەر پايداسى بولاما؟ مەنىڭشە، بولماس..
اعابۋىننىڭ العان توقالدارى—كىل جاستار!
بالاسى كوپ، نە كەمتار جاندى ەشكىم دە كەرەك قىلىپ وتىرعان جوق.
توقال الۋ—ەرىككەن بايدىڭ ەرمەگى!
وعان قۇرانداعى «بىردەي قاراساڭ ءتورت ايەل ال، بولماسا ساعان بىرەۋى دە قايىرلى.. » دەگەن ەكىۇشتى رۇقسات قاعيدانى قوسىڭىز.
مىسالى، مەنىڭ ءۇش بالام مەن ءبىر ايەلىمە كەتەتىن ءبىر ايلىق شىعىندى قارايىق.
جوو جاڭا تامامداعان ۇلكەن قىز ءوز شىعىنىن ءوزى جابادى، جۇمىسى بار.
مەكتەپ جاسىنداعى ەكى بالاعا ايىنا 100 مىڭ قاراجات كەرەك!
ايەلىمنىڭ وزىنە جۇمسايتىن شىعىنى سونىڭ جارتىسى دەسەك، تاماق پەن پاتەر اقىسى (كۆارتپلاتا) 100 مىڭ..
قوش، جيىنى ءبىر ايلىق شىعىن 300 مىڭعا جۋىقتايدى ەكەن.
ەندى وسىنى قوسىمشا 3/4 ايەل جانۇياسى شىعىنىنا كوبەيتىڭىز.
1 ملن-نان اسقان شىعىندى قايدان تاباسىڭ؟
ارينە، حالىققا قىزمەت كورسەتۋىڭ كەرەك بولعان قىزمەتىڭدى پايدالانىپ العان پاراڭ مەن، زاڭسىز جيناعان اقشاڭدى سالاسىڭ..
ءار ءىس تە سوڭعى ناتيجە، كونەچنىي رەزۋلتات دەگەن بولۋى كەرەك!
ءجا، توقال الۋداعى باستى ماقسات —كوپ بالا تۋعىزۋ، ونى قوعامنىڭ بەلدى مۇشەسى ەتۋ، سولاي ما؟ ءبىرىنشى كۇننەن پاراعا باققان بالاڭ مەن، ولاردى كۇندەستىكپەن تاربيەلەگەن قالعان قاتىندارىڭ وڭباس..
وسىنىڭ ءبارىن الىپ تاستاساڭ تىيا الماعان «جالاڭبۇت» ءناپسىڭ عانا قالماي ما؟
دەمەك، ءاۋ باستا باستالعان توقال الۋ ماقساتىڭ ناپسىڭە يە بولماۋ، قارا باسىڭنىڭ قامى ەمەس پە؟
باياعى، ادام شىعىنى ونىڭ ىشىندە ەركەك شىعىنى كوپ سوعىستار زامانى كەزىندە قالىپتاسقان توقال الۋ قاعيداسىن قازىرگى قوعامدا قولدانۋ تەك ناپسىقۇمارلىقتان!
ەندى مۇنى زاڭمەن شەكتەۋى كەرەك دەپۋتاتتار مەن مينيستر، پرەزيدەنت كومەكشىلەرى قوس-قوستان قاتىن الىپ وتىرسا، نازىڭدى كىمگە ايتاسىڭ؟
قر —زايىرلى مەملەكەت!
توقال الۋعا زاڭ رۇقسات بەرمەيدى!
وسى زاڭدى بۇزاتىن «بالىقتار» باسىنان ءشىرىپ، تۇنىعىڭدى لايلاپ ءجۇر ەمەس پە…⠀
