Qazaq qoǵamynda toqal taqyryby tolastaǵan emes. Sońǵy ýaqytta kúıeýine ekinshi áıel alyp berýge bilek sybana kirisken báıbisheler de kóbeıip barady. Osyǵan baılanysty er azamattyń pikiri, kózqarasy qandaı? Erkektiń toqal alýyn qoshtaıtyn áıelder týrasynda Facebook jelisiniń belsendi qoldanýshysy Tortýyl ShOQAN tómendegideı jazba qaldyrypty.
Já, er adamnyń toqal alýyna qarsy emes áıelder — ózi belgili belgisiz sebeptermen kúıeýinen ajyraǵan áıelder!
Basqanyń baıyn bólisýdiń basty sebebi—qyzǵanysh. Keıingisi—barshylyqta ómir súrýge talpynys deýge bolar.
Óz kúıeýi «tiri» áıelderdiń baıyn basqamen bólisetinderi— myńnan bireý ǵana!
Toqal alý—balanyń júregin jaralaý!
Psıhıkasy buzylǵan balanyń ne januıasyna, ne qoǵamǵa tıgizer paıdasy bolama? Menińshe, bolmas..
Aǵabýynnyń alǵan toqaldary—kil jastar!
Balasy kóp, ne kemtar jandy eshkim de kerek qylyp otyrǵan joq.
Toqal alý—erikken baıdyń ermegi!
Oǵan qurandaǵy «birdeı qarasań tórt áıel al, bolmasa saǵan bireýi de qaıyrly.. » degen ekiushty ruqsat qaǵıdany qosyńyz.
Mysaly, meniń úsh balam men bir áıelime ketetin bir aılyq shyǵyndy qaraıyq.
JOO jańa támámdaǵan úlken qyz óz shyǵynyn ózi jabady, jumysy bar.
Mektep jasyndaǵy eki balaǵa aıyna 100 myń qarajat kerek!
Áıelimniń ózine jumsaıtyn shyǵyny sonyń jartysy desek, tamaq pen páter aqysy (kvartplata) 100 myń..
Qosh, jıyny bir aılyq shyǵyn 300 myńǵa jýyqtaıdy eken.
Endi osyny qosymsha 3/4 áıel januıasy shyǵynyna kóbeıtińiz.
1 mln-nan asqan shyǵyndy qaıdan tabasyń?
Árıne, halyqqa qyzmet kórsetýiń kerek bolǵan qyzmetińdi paıdalanyp alǵan parań men, zańsyz jınaǵan aqshańdy salasyń..
Ár is te sońǵy nátıje, konechnyı rezýltat degen bolýy kerek!
Já, toqal alýdaǵy basty maqsat —kóp bala týǵyzý, ony qoǵamnyń beldi múshesi etý, solaı ma? Birinshi kúnnen paraǵa baqqan balań men, olardy kúndestikpen tárbıelegen qalǵan qatyndaryń ońbas..
Osynyń bárin alyp tastasań tyıa almaǵan «jalańbut» nápsiń ǵana qalmaı ma?
Demek, áý basta bastalǵan toqal alý maqsatyń nápsińe ıe bolmaý, qara basyńnyń qamy emes pe?
Baıaǵy, adam shyǵyny onyń ishinde erkek shyǵyny kóp soǵystar zamany kezinde qalyptasqan toqal alý qaǵıdasyn qazirgi qoǵamda qoldaný tek nápsiqumarlyqtan!
Endi muny zańmen shekteýi kerek depýtattar men mınıstr, prezıdent kómekshileri qos-qostan qatyn alyp otyrsa, nazyńdy kimge aıtasyń?
QR —zaıyrly memleket!
Toqal alýǵa zań ruqsat bermeıdi!
Osy zańdy buzatyn «balyqtar» basynan shirip, tunyǵyńdy laılap júr emes pe…⠀
