قىزدىڭ تۋىستارى ونىڭ جوعالىپ كەتكەنىن 2011 جىلى جاريالادى - سول كەزدە ول ون التى جاستا ەدى. اتا-اناسى قىزىن ولگەندەر قاتارىنا دا قوسىپ ۇلگەرگەن. الايدا، 9 جىلدان كەيىن ءتارتىپ ساقشىلارى بويجەتكەندى تاپتى. بۇل تۋرالى ماڭعىستاۋ وبلىستىق پوليتسيا دەپارتامەنتىنىڭ ءباسپاسوز قىزمەتى ءمالىم ەتتى، دەپ Stan.kz اقپارات اگەنتتىگى حابارلايدى.
پوليتسيا مالىمەتىنشە، توعىز جىل بۇرىن سول كەزدە 16 جاستا بولعان قىز ەمتيحان تاپسىرۋ ءۇشىن مەكتەپكە بارعان.
الايدا، وسىدان كەيىن ونى تۋىستارىنىڭ ەشقايسىسى كورمەگەن. قۇقىق قورعاۋ ورگاندارىنىڭ قىزمەتكەرلەرى جوعالعان ادامدى ىزدەستىرۋدى باستاعان، ول ۇزاق جىلدارعا سوزىلدى.
ء"ىستىڭ ءمان-جايىن تەكسەرۋ بارىسىندا قىزدىڭ مەكتەپ ەمتيحاندارىن تاپسىرا الماعانى انىقتالدى. ول ۇيىنە قايتۋعا ۇيالىپ، كەتىپ قالۋدى ءجون كورگەن", - دەدى پوليتسيادا.
وسى ۋاقىت ىشىندە ءتارتىپ ساقشىلارى ىزدەۋدى توقتاتقان جوق - ناتيجەسىندە ولار ونى 9 جىلدان كەيىن الماتىدان تاپتى. قىز ءوزىن ءولدى دەپ ويلاعان اتا-اناسىنا، ۇيىنە ورالدى.
