Qyzdyń týystary onyń joǵalyp ketkenin 2011 jyly jarııalady - sol kezde ol on alty jasta edi. Ata-anasy qyzyn ólgender qataryna da qosyp úlgergen. Alaıda, 9 jyldan keıin tártip saqshylary boıjetkendi tapty. Bul týraly Mańǵystaý oblystyq polıııa departamentiniń baspasóz qyzmeti málim etti, dep Stan.kz aqparat agenttigi habarlaıdy.
Polıııa málimetinshe, toǵyz jyl buryn sol kezde 16 jasta bolǵan qyz emtıhan tapsyrý úshin mektepke barǵan.
Alaıda, osydan keıin ony týystarynyń eshqaısysy kórmegen. Quqyq qorǵaý organdarynyń qyzmetkerleri joǵalǵan adamdy izdestirýdi bastaǵan, ol uzaq jyldarǵa sozyldy.
"Istiń mán-jaıyn tekserý barysynda qyzdyń mektep emtıhandaryn tapsyra almaǵany anyqtaldy. Ol úıine qaıtýǵa uıalyp, ketip qalýdy jón kórgen", - dedi polıııada.
Osy ýaqyt ishinde tártip saqshylary izdeýdi toqtatqan joq - nátıjesinde olar ony 9 jyldan keıin Almatydan tapty. Qyz ózin óldi dep oılaǵan ata-anasyna, úıine oraldy.
