بۇگىن شىمكەنت قالاسىنىڭ اكىمى مۇرات ايتەنوۆ قالاداعى جول-كولىك ينفراقۇرىلىمىن دامىتۋ باعىتىندا اتقارىلىپ جاتقان جۇمىستاردىڭ بارىسىمەن تانىستى.
شاھار باسشىسى، الدىمەن، ا-2 اينالما جولىنداعى بادام وزەنىنىڭ ۇستىنەن وتەتىن كوپىردى قايتا قۇرۋ جۇمىستارىمەن تانىستى. بۇل جۇمىس 2018 جىلدىڭ قازان ايىندا باستالعان. جوبانىڭ جالپى قۇنى 1 ميلليارد 916.3 ميلليون تەڭگە. سونىڭ 1 ميلليارد 167 ميلليونى بيىلعى جىلى بولىنگەن.
كوپىر قاراشا ايىندا پايدالانۋعا بەرىلەدى. كەڭەيىپ، جاڭارعان كوپىردىڭ ۇزىندىعى — 144 مەتر، ەنى — 28,2 مەتردى قۇرايتىن بولادى.
—شىمكەنتتەگى ماگيسترالدى جولدار تاۋلىگىنە 20 - 35 مىڭ اۆتوكولىك وتكىزە الادى. ال، بۇگىندە ناقتى كورسەتكىش 50-70 مىڭ اۆتوكولىك نەمەسە ەكى ەسە كوپ. سوندىقتان ءبىز جول-كولىك ينفراقۇرىلىمىن دامىتۋعا ەرەكشە كوڭىل ءبولىپ وتىرمىز. قازىر شىمكەنتتە 24 ماگيسترالدى كوشەدە ورتا جوندەۋ جۇمىستارى ءجۇرىپ جاتىر. بادام وزەنىنىڭ ۇستىنەن وتەتىن مىنا كوپىر دە ماڭىزدى نىسانداردىڭ ءبىرى. ءتيىستى باسقارما مەن باسقا دا جاۋاپتى ورگاندار جۇمىستىڭ ساپالى جۇرگىزىلۋىن جانە بەلگىلەنگەن مەرزىمدە اياقتالۋىن قاداعالاۋى ءتيىس، — دەدى مۇرات دۇيسەنبەكۇلى.
مۇنان كەيىن قالا اكىمى يۋ.گاگارين، ا.اسقاروۆ كوشەلەرىنىڭ ورتا جوندەۋ جۇمىستارىمەن تانىستى.
يۋ.گاگارين كوشەسىنىڭ اباي داڭعىلىنان ەرمات اتا كوشەسىنە دەيىنگى 4.7 شاقىرىمدىق بولىگىن ورتا جوندەۋدەن وتكىزۋگە بيۋدجەتتەن 335 ميلليون تەڭگە بولىنگەن. ال، ا.اسقاروۆ كوشەسىنىڭ رەسپۋبليكا داڭعىلىنان اباي داڭعىلىنا دەيىنگى بولىگىنە 303 ميلليوننان استام قارجى قارالعان.
شىمكەنت قالاسى اكىمىنىڭ ءباسپاسوز قىزمەتى
