ەكىباستۇزدىق بلوگەر كامەلەتكە تولماعان قىزدى زورلادى دەگەن كۇدىكپەن قاماۋعا الىندى، دەپ حابارلايدى Sputnik قازاقستان-عا سىلتەمە بەرىپ Stan.kz اقپارات اگەنتتىگى.
"قر قىلمىستىق كودەكسىنىڭ 120-بابىنىڭ 3-1 بولىگى (زورلاۋ) بويىنشا سوتقا دەيىنگى تەرگەۋ امالدارى جۇرگىزىلۋدە. قىلمىستى جاسادى دەپ كۇدىكتەلگەن 40 جاستاعى ەر ادام ۇستالىپ، ەكىباستۇز قالاسىنىڭ ۋاقىتشا تەرگەۋ يزولياتورىنا قامالدى", - دەپ حابارلادى پوليتسيا دەپارتامەنتىنىڭ ءباسپاسوز قىزمەتى.
قۇقىق قورعاۋ ورگاندارى تەرگەۋدىڭ قۇپيالىلىعىنا ايتا وتىرا، باسقا مالىمەتتەر كەلتىرمەگەن. سوتقا دەيىنگى تەرگەۋ جۇرگىزىلىپ جاتقان باپ بويىنشا 12 جىلدان 17 جىلعا دەيىن باس بوستاندىعىنان ايىرۋ جازاسى قاراستىرىلعان.
ال الەۋمەتتىك جەلىلەردە كۇدىكتىنىڭ اپكەسى اعاسى قىلمىس جاساماعانىن ايتىپ، كوپشىلىكتەن سۇراعان.
"ساراپتاما قىزدىڭ پاك ەكەنىن كورسەتتى. ەكى ساراپتاما ءوتتى", - دەيدى ايەل.
ايتۋىنشا، پوليتسيا تاراپىنان قىسىم كورسەتىلىپ جاتىر. ال اعاسىنىڭ ءۇش كامەلەتكە تولماعان قىزدارى بار، ءتىپتى جاقىندا ول پەدوفيلدى ۇستاعان، دەيدى ايەل.
