شوكەەۆتىڭ كۇيەۋبالاسى ورماننىڭ ويرانىن شىعارىپ، ورمانشىلاردى شۋلاتۋدا ما؟ ۆيدەو

5198
Adyrna.kz Telegram

تۇركىستان وبلىسىندا قورىقشىلار وسىلاي دەپ شۋ شىعاردى, دەپ حابارلايدى Dalanews.kz كتك تەلەارناسىنا سىلتەمە جاساپ.

سىرداريا-تۇركىستان مەملەكەتتىك وڭىرلىك تابيعي پاركىندە ەكى جىلدان بەرى قىزمەت پەن ەرەكشە قورعالۋى ءتيىس اعاشتاردىڭ ساۋداسى قىزعان. “ال ولارعا توسقاۋىل بولاتىن قۇزىرلى ورگان كۇنگەيدە جوق”، – دەيدى ورمانشىلار.

سەبەبى، پارك باسشىسىنىڭ ورىنباسارى وبلىس اكىمى ومىرزاق شوكەەۆتىڭ كۇيەۋ بالاسى بولسا، پارك فيليالىنىڭ ديرەكتورى قازىرگى سوزاق اۋدانى اكىمىنىڭ ۇلى. اتى اتالعان ەكەۋى مۇنى جوققا شىعاردى.

ابىلايحان شالداروۆ ءۇش جىل بۇل باقتا ورمانشى بولعان. ايتۋىنشا، مۇنداعى قىزىل كىتاپقا ەنگەن توراڭعىل مەن جيدە اعاشتارى جاپپاي قىرقىلىپ جاتىر. توعايدى قورعاۋى ءتيىس ينسپەكتورلار باسشىلاردىڭ پارمەنىمەن اعاش ساۋداگەرىنە اينالعانىن ايتقانى ءۇشىن جىل باسىندا جۇمىستان كەتىپتى. سىرداريا-تۇركىستان مەملەكەتتىك وڭىرلىك تابيعي پاركى باسشىسىنىڭ ورىنباسارى مەن پارك فيليالى ديرەكتورى كەلگەلى ء“ومىرىمىز، ءتىپتى توزاققا اينالدى” دەپ كۇيىنەدى ول.

ابىلايحان شالداروۆ, بۇرىنعى ورمانشى:

– 2018 جىلدان بەرى وسى ەكى كىسى كەلدى. پولاتوۆ نۇرجان مەن ابدىقادىروۆ اقىل دەگەن. ىلعي سونىمەن قىز اكەپ دەمالادى. ءبىزدى شاقىرىپ الادى: “ويباي، تەز، قوي اكەلىڭدەر، مىنا جەرگە شاشلىك ىستەۋىمىز كەرەك. كونياك، كاليان شەگۋىمىز كەرەك”. اكەلمەسەڭ، ەرتەسىنە سەنى زاڭمەن جۇمىستان شىعارادى.

ورماننان اقشا جاساۋدىڭ ءتاسىلى كوپ ەكەن. “گازى جوق، قىستا كومىرى قىمبات وتىرار اۋدانىندا ءبىر اربا عانا وتىن ساتۋعا رۇقسات بەرەتىن بيلەتپەن 100 اربا وتىن ساتىلادى”، – دەيدى بۇرىنعى قورىقشىلار. وتىندى بىلاي قويعاندا، وتىراردا جيدە مەن توراڭعىلدى قادا قىلىپ، بيزنەس جاساۋ ءۇردىسى بار. ءبىر عانا جيدە تالدان 7 قادا جاساۋعا بولادى. قادا دەگەنىڭىز، كەسىلىپ دايىندالعان بورەنە. جەرگىلىكتى قارا بازاردا ءبىر عانا قادانىڭ باعاسى – 400 تەڭگە.

سونىڭ سالدارىنان ەرەكشە قورعالىپ، جايقالۋى ءتيىس ورمان قىپ-قىزىل بيزنەسكە اينالىپ، جايپالىپ بارادى. ء“ار تۇسكەن تەڭگەنى اعا ورمانشىنىڭ قالتاسىنا باسىپ، ودان قالسا، نۇرجان پولاتوۆ پەن اقىل ابدىقادىروۆتىڭ جىنويناعىنا سالامىز” – دەپ اشىنعان ورمانشىلار وسىنى باسشىلارعا ايتىپ، باسى بالەگە قالعان.

ابىلايحان شالداروۆ، بۇرىنعى ورمانشى:

– “ە، مىناۋ نە دەسەم»، نۇرجان پولاتوۆتىڭ ايتۋى: «ويباي، ابىلاي، سەنىڭ شارۋاڭ بولماسىن، مىنا جۇمىستان كەت، مەن سەنى ىستەتپەيمىن، شىق، بولدى، ارى قاراي ەڭبەك قورعاۋ بولىمىنە جازاسىڭ با، قارجى پوليتسياسىنا جازاسىڭ با، پروكۋراتۋراعا جازاسىڭ با، مەن ءوزىم شەشىپ الامىن”. “قازىر، ابىلاي، تانىس شەشەدى”. اقىلدىڭ ايتۋى دا سول: “مەنىڭ قايىن اعام تۇرعاندا، ەشكىم ەشتەڭە ىستەي المايدى” – دەيدى.

سىرداريا-تۇركىستان ساياباعى باسشىسىنىڭ ورىنباسارى اقىل ابدىقادىروۆ دەگەن وبلىس باسشىسى ومىرزاق شوكەەۆتىڭ تۋعان كۇيەۋ بالاسى، ال فيليال ديرەكتورى نۇرجان پولاتوۆ وتىرار اۋدانىنا تالاي جىل اكىم بولعان، قازىر سوزاق اۋدانىنىڭ اكىمى سالىحان پولاتوۆتىڭ ۇلى. پاركتەگى بىلىقتى اشكەرەلەۋ ءۇشىن بۇرىنعى ورمانشىلار مەن اۋدان تۇرعىندارى بيىل پوليتسيا مەن اۋماقتىق ينسپەكتسيا وكىلدەرىن ەرتىپ رەيد جاساعان ەكەن.

“جۇزدەگەن اعاشتىڭ شابىلعانى انىقتالعانىمەن، سول كۇيى شارا قولدانىلمادى” – دەيدى تۇرعىندار.

بەيبىت سىزدىقوۆ، وتىرار اۋدانىنىڭ تۇرعىنى:

– وبلىس پروكۋرورىنا، بىراق وبلىس پروكۋرورى تابيعاتتى قورعاۋ پروكۋرورىنا جىبەردى، تابيعاتتى قورعاۋ پروكۋرورى كوميتەتكە جىبەردى، كوميتەت قالىمبەتوۆكە جىبەردى، قايتىپ قايىربەكوۆكە كەلدى. سونىمەن، نە تەكسەرىلمەيدى، نە قويمايدى.

ساياباقتى ساۋىق-سايران ورنىنا اينالدىردى دەپ ايىپتالعان باسشىلاردى ىزدەپ تۇركىستانعا باردىق. نۇرجان پولاتوۆ ورنىندا جوق. حاتشىسى ونىڭ سىرقاتتانعانىن ايتسا، قىزمەتكەرى “جۇمىس بابىمەن رەيدتە ءجۇر” دەپ شاتاستى. ەسەسىنە، وبلىس اكىمى ومىرزاق شوكەەۆتىڭ كۇيەۋ بالاسى كەزدەسۋدەن قاشپادى.

“ورمانشىلاردىڭ ءوزى قىلمىسپەن اينالىسىپ جۇرگەن سوڭ، قىزمەتكە كەلە سالا، تارتىپكە كەلتىرەمىز دەپ، ۇناماي قالدىق”- دەيدى اقىل ابدىقادىروۆ.

اقىل ابدىقادىروۆ، سىرداريا-تۇركىستان مەملەكەتتىك وڭىرلىك تابيعي پاركى كمم باس ديرەكتورىنىڭ ورىنباسارى:

– اعاش شاپتىرۋ،دەمالۋ، قوي سويدىرۋ دەي مە…

– قىزدارمەن دەمالۋ دەگەن سياقتى…

– جوق، قىزدار جوق ول جەردە. سونىڭ ءبارى جالا. ويتكەنى ونداي تىرلىك بولماعان. جالا-جابۋ، ار-نامىس تاپتاۋ كوپ قوي ول جەردە. ءوزىمىز ول جەردە زاڭمەن شەشەمىز عوي.

باسشى ەندى ءوز قىزمەتكەرلەرىن سوتقا بەرمەكشى. ال “قاي جاققا جازساق تا، ادىلدىك تاپپادىق” دەگەن ورمانشىلار تۇركىستان وبلىسىندا توعايدا بولىپ جاتقان كولەڭكەلى بيزنەسكە توسقاۋىل قويار ەشكىمنىڭ جوعىنا سەنىمدى. سوندىقتان استاناداعىلار كورىپ، اق-قاراسىن ايتار دەپ ۇمىتتەنەدى.

پىكىرلەر