قازاقستاندا كوروناۆيرۋسقا قارسى وتاندىق QazCovid-in ۆاكتسيناسىنىڭ كلينيكالىق سىناعى باستالدى، دەپ حابارلايدى Sputnik.kz بىلىم جانە عىلىم مينيسترلىگىنە سىلتەمە جاساپ.
كلينيكالىق سىناق 18 بەن 50 جاس ارالىعىنداعى دەنى ساۋ ەرىكتىلەر اراسىندا جۇرگىزىلەدى. سىناقتىڭ I فازاسى ۆاكتسينانىڭ قاۋىپسىزدىگىن انىقتاۋعا باعىتتالعان. وعان كوروناۆيرۋسپەن اۋىرماعان جانە انتيدەنەلەرى جوق 44 ادام قاتىسادى.يممۋنوگەندىلىكتى زەرتتەۋگە باعىتتالعان ەكىنشى فازادا 200 ەرىكتىنى قاتىستىرۋ جوسپارلانىپ وتىر.
ء"بىرىنشى جانە ەكىنشى كەزەڭ اياسىندا ەرىكتىلەرگە ۆاكتسينا سالىنادى. دۇنيەجۇزىلىك دەنساۋلىق ساقتاۋ ۇيىمى ۆاكتسيناتسيالاۋعا رۇقسات بەردى. كلينيكالىق زەرتتەۋگە 244 ەرىكتى قاجەت بولاتىن. الايدا، بيولوگيالىق قاۋىپسىزدىك پروبلەمالارى عىلىمي-زەرتتەۋ ينستيتۋتىنا قازاقستاننىڭ بارلىق وڭىرىنەن كلينيكالىق سىناققا قاتىسۋعا نيەت بىلدىرگەن ەرىكتىلەردەن ون كۇننىڭ ىشىندە تۇسكەن وتىنىشتەر سانى الدەقايدا كوپ بولدى. حابارلاندىرۋ شىققاننان كەيىن بىرنەشە كۇن وتكەن سوڭ، وتىنىشتەردى قابىلداۋدى توقتاتۋعا ءماجبۇر بولدىق", - دەدى ءبىلىم جانە عىلىم ۆيتسە-ءمينيسترى ميراس داۋلەنوۆ.
ول وتانداستارعا عىلىم سالاسىنا كورسەتكەن قولداۋى مەن سەنىمى ءۇشىن العىس ايتتى.
مينيسترلىكتىڭ مالىمەتىنشە، بيولوگيالىق قاۋىپسىزدىك پروبلەمالارى عىلىمي-زەرتتەۋ ينستيتۋتىنا كلينيكالىق زەرتتەۋلەرگە قاتىسۋعا نيەت بىلدىرگەن ەرىكتىلەردەن 688 ءوتىنىش كەلىپ تۇسكەن. ەندى ولار سكرينينگتەن ءوتىپ، ۆاكتسيناتسيالاناتىن ەرىكتىلەر توبى قۇرىلادى.
كلينيكالىق سىناقتار اككرەديتتەلگەن كلينيكالىق بازا – دەنساۋلىق ساقتاۋ مينيسترلىگىنىڭ "ۇلتتىق فتيزيوپۋلمونولوگيا عىلىمي ورتالىعى" رمك جانە GCP ستاندارتى بويىنشا سەرتيفيكاتتالعان بازا – "سentre for Clinical Medicine and Research" جشس-دە وتەدى.
بۇعان دەيىن دۇنيەجۇزىلىك دەنساۋلىق ساقتاۋ ۇيىمى 31 شىلدەدە كوروناۆيرۋسقا قارسى QazCovid-in ۆاكتسيناسىن كلينيكالىق سىناقتارعا جىبەرىلگەن ۆاكتسينالاردىڭ تىزىمىنە قوسقان بولاتىن.
ۆاكتسينانىڭ جەتى ازىرلەۋشىسى ۆيرۋسپەن تۇراقتى تۇردە جۇمىس ىستەگەندىكتەن، وزدەرىنىڭ قاۋىپسىزدىگىن ساقتاۋ ماقساتىندا ۆاكتسينا سالدىردى. ولاردىڭ اراسىندا ينستيتۋت ديرەكتورى دا بار. تالداۋ ناتيجەلەرى بويىنشا، بارلىعىنىڭ بويىندا ۆيرۋسقا قارسى انتيدەنە قالىپتاستى. قىزمەتكەرلەردىڭ دەنساۋلىعى جاقسى، بۇگىندە ولار عىلىمي-تەحنيكالىق باعدارلاما اياسىندا وزدەرىنىڭ جۇمىستارىن جالعاستىرىپ جاتىر.
ال جۋىردا دۇنيەجۇزىلىك دەنساۋلىق ساقتاۋ ۇيىمى قازاقستاندىق عالىمداردىڭ كوروناۆيرۋسقا قارسى ازىرلەگەن تاعى ءبىر ۆاكتسيناسىن تىزىمگە ەنگىزدى.
