Qazaqstanda koronavırýsqa qarsy otandyq QazCovid-in vakınasynyń klınıkalyq synaǵy bastaldy, dep habarlaıdy Sputnik.kz Bilim jáne ǵylym mınıstrligine silteme jasap.
Klınıkalyq synaq 18 ben 50 jas aralyǵyndaǵy deni saý eriktiler arasynda júrgiziledi. Synaqtyń I fazasy vakınanyń qaýipsizdigin anyqtaýǵa baǵyttalǵan. Oǵan koronavırýspen aýyrmaǵan jáne antıdeneleri joq 44 adam qatysady.Immýnogendilikti zertteýge baǵyttalǵan ekinshi fazada 200 eriktini qatystyrý josparlanyp otyr.
"Birinshi jáne ekinshi kezeń aıasynda eriktilerge vakına salynady. Dúnıejúzilik densaýlyq saqtaý uıymy vakınaııalaýǵa ruqsat berdi. Klınıkalyq zertteýge 244 erikti qajet bolatyn. Alaıda, Bıologııalyq qaýipsizdik problemalary ǵylymı-zertteý ınstıtýtyna Qazaqstannyń barlyq óńirinen klınıkalyq synaqqa qatysýǵa nıet bildirgen eriktilerden on kúnniń ishinde túsken ótinishter sany áldeqaıda kóp boldy. Habarlandyrý shyqqannan keıin birneshe kún ótken soń, ótinishterdi qabyldaýdy toqtatýǵa májbúr boldyq", - dedi bilim jáne ǵylym vıe-mınıstri Mıras Dáýlenov.
Ol otandastarǵa ǵylym salasyna kórsetken qoldaýy men senimi úshin alǵys aıtty.
Mınıstrliktiń málimetinshe, Bıologııalyq qaýipsizdik problemalary ǵylymı-zertteý ınstıtýtyna klınıkalyq zertteýlerge qatysýǵa nıet bildirgen eriktilerden 688 ótinish kelip túsken. Endi olar skrınıngten ótip, vakınaııalanatyn eriktiler toby qurylady.
Klınıkalyq synaqtar akkredıttelgen klınıkalyq baza – densaýlyq saqtaý mınıstrliginiń "Ulttyq ftızıopýlmonologııa ǵylymı ortalyǵy" RMK jáne GCP standarty boıynsha sertıfıkattalǵan baza – "Sentre for Clinical Medicine and Research" JShS-de ótedi.
Buǵan deıin Dúnıejúzilik densaýlyq saqtaý uıymy 31 shildede koronavırýsqa qarsy QazCovid-in vakınasyn klınıkalyq synaqtarǵa jiberilgen vakınalardyń tizimine qosqan bolatyn.
Vakınanyń jeti ázirleýshisi vırýspen turaqty túrde jumys istegendikten, ózderiniń qaýipsizdigin saqtaý maqsatynda vakına saldyrdy. Olardyń arasynda ınstıtýt dırektory da bar. Taldaý nátıjeleri boıynsha, barlyǵynyń boıynda vırýsqa qarsy antıdene qalyptasty. Qyzmetkerlerdiń densaýlyǵy jaqsy, búginde olar ǵylymı-tehnıkalyq baǵdarlama aıasynda ózderiniń jumystaryn jalǵastyryp jatyr.
Al jýyrda Dúnıejúzilik densaýlyq saqtaý uıymy qazaqstandyq ǵalymdardyń koronavırýsqa qarsy ázirlegen taǵy bir vakınasyn tizimge engizdi.
