Elımızde QazCovid-in vaksinasynyŋ synaǧy bastaldy

Qazaqstanda koronavirusqa qarsy otandyq QazCovid-in vaksinasynyŋ klinikalyq synaǧy bastaldy, dep habarlaidy Sputnik.kz  Bılım jäne ǧylym ministrlıgıne sılteme jasap. Klinikalyq synaq 18 ben 50 jas aralyǧyndaǧy denı sau erıktıler arasynda jürgızıledı. Synaqtyŋ I fazasy vaksinanyŋ qauıpsızdıgın anyqtauǧa baǧyttalǧan. Oǧan  koronaviruspen auyrmaǧan jäne antidenelerı joq 44 adam qatysady.İmmunogendılıktı zertteuge baǧyttalǧan ekınşı fazada 200 erıktını qatystyru josparlanyp otyr. "Bırınşı jäne ekınşı kezeŋ aiasynda erıktılerge vaksina salynady. Düniejüzılık densaulyq saqtau ūiymy vaksinasiialauǧa rūqsat berdı. Klinikalyq zertteuge 244 erıktı qajet bolatyn. Alaida, Biologiialyq qauıpsızdık problemalary ǧylymi-zertteu institutyna Qazaqstannyŋ barlyq öŋırınen klinikalyq synaqqa qatysuǧa niet bıldırgen erıktılerden on künnıŋ ışınde tüsken ötınışter sany äldeqaida köp boldy. Habarlandyru şyqqannan keiın bırneşe kün ötken soŋ, ötınışterdı qabyldaudy toqtatuǧa mäjbür boldyq", - dedı bılım jäne ǧylym vise-ministrı Miras Däulenov. Ol otandastarǧa ǧylym salasyna körsetken qoldauy men senımı üşın alǧys aitty. Ministrlıktıŋ mälımetınşe, Biologiialyq qauıpsızdık problemalary ǧylymi-zertteu institutyna klinikalyq zertteulerge qatysuǧa niet bıldırgen erıktılerden 688 ötınış kelıp tüsken. Endı olar skriningten ötıp, vaksinasiialanatyn erıktıler toby qūrylady. Klinikalyq synaqtar akkredittelgen klinikalyq baza – densaulyq saqtau ministrlıgınıŋ "Ūlttyq ftiziopulmonologiia ǧylymi ortalyǧy" RMK jäne GCP standarty boiynşa sertifikattalǧan baza – "Sentre for Clinical Medicine and Research" JŞS-de ötedı. Būǧan deiın Düniejüzılık densaulyq saqtau ūiymy 31 şıldede koronavirusqa qarsy QazCovid-in  vaksinasyn klinikalyq synaqtarǧa jıberılgen vaksinalardyŋ tızımıne qosqan bolatyn. Vaksinanyŋ jetı äzırleuşısı viruspen tūraqty türde jūmys ıstegendıkten, özderınıŋ qauıpsızdıgın saqtau maqsatynda vaksina saldyrdy. Olardyŋ arasynda institut direktory da bar. Taldau nätijelerı boiynşa, barlyǧynyŋ boiynda virusqa qarsy antidene qalyptasty. Qyzmetkerlerdıŋ densaulyǧy jaqsy, bügınde olar ǧylymi-tehnikalyq baǧdarlama aiasynda özderınıŋ jūmystaryn jalǧastyryp jatyr. Al juyrda Düniejüzılık densaulyq saqtau ūiymy qazaqstandyq ǧalymdardyŋ koronavirusqa qarsy äzırlegen taǧy bır vaksinasyn tızımge engızdı.