ەل مۇددەسىنە جۇمىس ىستەيدى، جالاقى المايدى دەيتىن ءماسليحات دەپۋتاتتارىنا شىن مانىندە بيۋدجەتتەن ميلليونداپ اقشا جۇمسالادى ەكەن. ماسەلەن، اقتوبە وبلىسى ءماسليحاتىنىڭ شىعىنى 369 ميلليون تەڭگە بولىپتى. ال قاراعاندى قالاسىنىڭ حالىق قالاۋلىلارى 2021 جىلعا وسىمەن ەكىنشى جىل قاتارىنان 70 ميلليون تەڭگە اقشا سۇراپ وتىر.
ءبىر قىزىعى، دەپۋتاتتار بيۋدجەتتەن بولىنگەن قارجىنىڭ ءبىر تيىنىن دا جەكە ماقساتتا قولدانبايمىز دەيدى. دەگەنمەن، قوماقتى قاراجاتتىڭ قايدا جۇمسالاتىنىن «
شىعىس قازاقستان وبلىسى ءماسليحاتىنىڭ 2019 جىلعى شىعىنى 63 ملن 600 مىڭ تەڭگەنى قۇراعان. بيىل - 64 ملن 700 مىڭ تەڭگە. بۇل قاراجات ءماسليحات اپپاراتىنىڭ ماتەريالدىق-تەحنيكالىق جاعدايىن قامتاماسىز ەتۋگە جۇمسالعان. سونىمەن قاتار، دەپۋتاتتاردىڭ ءىس-ساپارىنىڭ اقىسى مەن سول ۋاقىتتاعى تاۋلىكتىك شىعىنى دا وسى اقشادا قاراستىرىلعان.
"قازىر 2021 جىلعا قانشا قاراجات قاجەت ەكەنى قاراستىرىلىپ جاتقانىن عانا ايتا الامىن. بيىل ەلدەگى جاعدايعا بايلانىستى كوپ جۇمىستار ونلاين تۇردە عانا اتقارىلدى", - دەيدى ازامات شالاباەۆ شقو ءماسليحاتى اپپاراتىنىڭ باسشىسى.
ال قاراعاندىدا وسىدان 8 جىل بۇرىن بەسوبا تۇرعىن ءۇيى قۇلاپ، تۇرعىنداردىڭ باسپانا ماسەلەسى ءالى شەشىلمەسە دە، قالالىق ءماسليحاتتىڭ 27 دەپۋتاتىنىڭ جۇمىسىنا 70 ملن تەڭگە جۇمسالعان. دەگەنمەن، حالىق قالاۋلىلارى بۇل اقشانىڭ ءبىر تيىنىن دا كورمەيمىز دەپ سەندىردى. ەسەسىنە ءماسليحات تۇراعىندا تەك ءبىر كولىك بولعان سوڭ جەكە كولىگىمىزبەن جۇرۋگە ءماجبۇرمىز دەيدى.
وسىلايشا، 70 ملن تەڭگەنىڭ 12 ملن تەڭگەسى - اپپارات قىزمەتكەرلەرىنىڭ جالاقىسى، 2 ملن 500 مىڭ تەڭگە - وتەماقى، 1 ملن تەڭگەدەن استامى - كوممۋنالدىق تولەمدەر. ال دەپۋتاتتاردىڭ ءبىر جىلدىق جۇمىسىنا بەرىلەتىن جالاقى 500 مىڭ تەڭگەدەن استام، سونداي-اق وزگە دە قىزمەتتەرگە، ونىڭ ىشىندە مەملەكەتتىك ساتىپ الۋلارعا 35 ملن تەڭگەدەن استام اقشا ەسەپتەلگەن.
"قالالىق ءماسليحاتتا 30 دەپۋتات. اپپارات سول دەپۋتاتقا ىستەيدى. جىلدىق بيۋدجەت 70 ملن تەڭگە. ونىڭ ىشىندە جالاقى، كوممۋنالدىق تولەم، مەملەكەتتىك ساتىپ الۋ، جاردەماقى دا بار. جالاقىعا كەلسەك، بىزدەگى قاراپايىم باس ماماندار 90 مىڭ تەڭگە الادى»،- دەيدى قاراعاندى قالالىق ءماسليحاتى اپپاراتىنىڭ باسشىسى قانات سۇلەيمەنوۆ.
ال اقتوبە وبلىسىنىڭ دەپۋتاتتارىنا بيىل 369 ملن تەڭگە جۇمسالىپتى. قازىر اكىمدىك كەلەسى جىلعا تاعى بيۋدجەتتەن 375 ملن تەڭگە ءبولۋدى جوسپارلاپ وتىر ەكەن. بيلىكتەگىلەر بۇل اقشا وبلىستاعى 12 اۋدانى مەن قالاداعى دەپۋتاتتاردىڭ ءىسساپارىنا، ءماسليحات حاتشىلارى مەن باسقا دا قىزمەتكەرلەردىڭ ايلىعىنا، ءتىپتى شارۋاشىلىققا قاجەت قۇرال-جابدىقتارعا تۇگەل جۇمسالادى دەپ وتىر.
فوتو اشىق دەرەككوزدەن الىندى.
