Máslıhat depýtattaryna bıýdjetten qansha aqsha jumsalady?

2673
Adyrna.kz Telegram

El múddesine jumys isteıdi, jalaqy almaıdy deıtin máslıhat depýtattaryna shyn máninde bıýdjetten mıllıondap aqsha jumsalady eken. Máselen, Aqtóbe oblysy máslıhatynyń shyǵyny 369 mıllıon teńge bolypty. Al Qaraǵandy qalasynyń halyq qalaýlylary 2021 jylǵa osymen ekinshi jyl qatarynan 70 mıllıon teńge aqsha surap otyr.

Bir qyzyǵy, depýtattar bıýdjetten bólingen qarjynyń bir tıynyn da jeke maqsatta qoldanbaımyz deıdi. Degenmen, qomaqty qarajattyń qaıda jumsalatynyn «

">Informbıýro» tilshileri anyqtap kóripti.

Shyǵys Qazaqstan oblysy máslıhatynyń 2019 jylǵy shyǵyny 63 mln 600 myń teńgeni quraǵan. Bıyl - 64  mln 700 myń teńge. Bul  qarajat máslıhat apparatynyń materıaldyq-tehnıkalyq jaǵdaıyn qamtamasyz etýge jumsalǵan. Sonymen qatar, depýtattardyń is-saparynyń aqysy men sol ýaqyttaǵy táýliktik shyǵyny da osy aqshada qarastyrylǵan.

"Qazir 2021 jylǵa qansha qarajat qajet ekeni qarastyrylyp jatqanyn ǵana aıta alamyn. Bıyl eldegi jaǵdaıǵa baılanysty kóp jumystar onlaın túrde ǵana atqaryldy", - deıdi Azamat Shalabaev ShQO máslıhaty apparatynyń basshysy.

Al Qaraǵandyda osydan 8 jyl buryn Besoba turǵyn úıi qulap, turǵyndardyń baspana máselesi áli sheshilmese de, qalalyq máslıhattyń 27 depýtatynyń jumysyna 70 mln teńge jumsalǵan. Degenmen, halyq qalaýlylary bul aqshanyń bir tıynyn da kórmeımiz dep sendirdi. Esesine máslıhat turaǵynda tek bir kólik bolǵan soń jeke kóligimizben júrýge májbúrmiz deıdi.

Osylaısha, 70 mln teńgeniń 12 mln teńgesi - apparat qyzmetkerleriniń jalaqysy, 2 mln 500 myń teńge - ótemaqy, 1 mln teńgeden astamy - kommýnaldyq tólemder. Al depýtattardyń bir jyldyq jumysyna beriletin jalaqy 500 myń teńgeden astam, sondaı-aq ózge de qyzmetterge, onyń ishinde memlekettik satyp alýlarǵa 35 mln teńgeden astam aqsha eseptelgen.

"Qalalyq máslıhatta 30 depýtat. Apparat sol depýtatqa isteıdi. Jyldyq bıýdjet 70 mln teńge. Onyń ishinde jalaqy, kommýnaldyq tólem, memlekettik satyp alý, járdemaqy da bar. Jalaqyǵa kelsek, bizdegi qarapaıym bas mamandar 90 myń teńge alady»,- deıdi Qaraǵandy qalalyq máslıhaty apparatynyń basshysy Qanat Súleımenov.

Al Aqtóbe oblysynyń depýtattaryna bıyl 369 mln teńge jumsalypty. Qazir ákimdik kelesi jylǵa taǵy bıýdjetten 375 mln teńge bólýdi josparlap otyr eken. Bıliktegiler bul aqsha oblystaǵy 12 aýdany men qaladaǵy depýtattardyń issaparyna, máslıhat hatshylary men basqa da qyzmetkerlerdiń aılyǵyna, tipti sharýashylyqqa qajet qural-jabdyqtarǵa túgel jumsalady dep otyr.

 

Foto ashyq derekkózden alyndy.

Pikirler