الماتىدا كوكشوقى شاعىن اۋدانىندا قولونەرمەن اينالىساتىن تۇرعىندار كوپقاباتتى ۇيدە كومىر جاعىپ، سۋدى وزەننەن تاسۋعا ءماجبۇر. ولاردىڭ پاتەرى ورتالىقتاندىرىلعان كارىز جۇيەسىنە جانە ەلەكترمەن جابدىقتاۋعا قوسىلماعان. بۇل تۋرالى "ادىرنا" ءتىلشىسى Almaty.tv ارناسىنا سىلتەمە جاساپ حابارلايدى.
بۇرىن "شەبەرلەر اۋىلى" دەپ اتالعان جەرگە قازاقستاننىڭ ءار تۇكپىرىنەن قولونەر شەبەرلەرى جينالعان. ولاردىڭ اراسىندا "قازاقفيلمگە" دەرەكتەمە ازىرلەگەن مارات بوزىمباەۆ تا بار.
"ەكى جىل بۇرىن گاز قۇبىرىن جۇرگىزدى، بىراق ۇيگە سول كۇيى قوسىلعان جوق. مىنە 30 جىلدان بەرى بالالارىمىز، ايەلدەرىمىز ءۇيدى كومىرمەن جىلىتۋعا ءماجبۇر. وزىمىزگە تاماق تا پىسىرە المايمىز. ورتا عاسىردا ءومىر ءسۇرىپ جاتىرمىز. اۋىلدا ەشقانداي جاعداي جوق. اكىمدىكتەن پروبلەمامىزدى شەشۋدى سۇرايمىز", - دەدى تۇرعىن مارات بوزىمباەۆ.
كوكشوقىداعى جالعىز سۋ كوزى - كولونكا. تۇرعىندار ۇزىن-سونار كەزەككە تۇرىپ سۋ تاسيدى. سۋدىڭ ساپاسى دا ناشار.
التى جىل بۇرىن اۋىلدى قالانىڭ بوستاندىق اۋدانىنا قوسقان. الايدا تۇرعىندار سودان بەرى شەنەۋنىكتەر كابينەتىنىڭ تابالدىرىعىن توزدىردى، ناتيجە جوق.
ال جەرگىلىكتى بيلىك جولعا اسفالت توسەپ، جارىق وتكىزۋدى كەلەسى جىلعا جوسپارلاپ وتىر. كوكشوقى تۇرعىندارىنا تەك كۇتۋ كەرەك.
"ادىرنا" ۇلتتىق پورتالى
