Almatyda Kókshoqy shaǵyn aýdanynda qolónermen aınalysatyn turǵyndar kópqabatty úıde kómir jaǵyp, sýdy ózennen tasýǵa májbúr. Olardyń páteri ortalyqtandyrylǵan káriz júıesine jáne elektrmen jabdyqtaýǵa qosylmaǵan. Bul týraly "Adyrna" tilshisi Almaty.tv arnasyna silteme jasap habarlaıdy.
Buryn "Sheberler aýyly" dep atalǵan jerge Qazaqstannyń ár túkpirinen qolóner sheberleri jınalǵan. Olardyń arasynda "Qazaqfılmge" derekteme ázirlegen Marat Bozymbaev ta bar.
"Eki jyl buryn gaz qubyryn júrgizdi, biraq úıge sol kúıi qosylǵan joq. Mine 30 jyldan beri balalarymyz, áıelderimiz úıdi kómirmen jylytýǵa májbúr. Ózimizge tamaq ta pisire almaımyz. Orta ǵasyrda ómir súrip jatyrmyz. Aýylda eshqandaı jaǵdaı joq. Ákimdikten problemamyzdy sheshýdi suraımyz", - dedi turǵyn Marat Bozymbaev.
Kókshoqydaǵy jalǵyz sý kózi - kolonka. Turǵyndar uzyn-sonar kezekke turyp sý tasıdy. Sýdyń sapasy da nashar.
Alty jyl buryn aýyldy qalanyń Bostandyq aýdanyna qosqan. Alaıda turǵyndar sodan beri sheneýnikter kabınetiniń tabaldyryǵyn tozdyrdy, nátıje joq.
Al jergilikti bılik jolǵa asfalt tósep, jaryq ótkizýdi kelesi jylǵa josparlap otyr. Kókshoqy turǵyndaryna tek kútý kerek.
"Adyrna" ulttyq portaly
