«قازاقمىس» جەكە ۇشاقتى، ديسنەيلەندكە بارۋدى جانە دجوردج V قوناقۇيىن ۇيىمداستىردى. وسىعان ساي, پاراقورلىققا قارسى زاڭعا سايكەس تەكسەرىس جۇرگىزءىلءدى.
FTSE 100 تاۋ-كەن كومپانياسى قازاقستان پرەمەر-ءمينيسترىنىڭ جانۇياسىنا فرانتسياعا جەكە ۇشاقپەن ۇشىپ، ديسنەيلەند، پاريجگە بارىپ، دجوردج V قوناق ۇيىندە بولۋدى ۇيىمداستىردى. بۇل ۇلىبريتانيانىڭ پاراقورلىققا قارسى زاڭىنا سايكەس تەكسەرۋگە سەبەپ بولدى. قازاقستاندىق ديسسيدەنت سول كەزدەگى پرەمەر-مينيستر كارىم ءماسىموۆتىڭ كەڭسەسى مەن «قازاقمىس» قىزمەتكەرلەرى اراسىنداعى 2011 جىلعى ەلەكتروندى حاتتاردى ۇلىبريتانيانىڭ سىبايلاس جەمقورلىققا قاتىستى ىستەردى قارايتىن اۋىر الاياقتىق بولىمىنە جىبەردى.
قازاقمىس قازاقستانداعى مىس قورلارىنىڭ ءىرى ءوندىرۋشىسى بولدى، ونىڭ ءىسى قازاقستان رەجيمىنىڭ قولداۋىنا تاۋەلدى بولدى. 2005 جىلى لوندوندا بۇل كومپانيا ۇلىبريتانيانىڭ ەڭ قۇندى كومپانيالارىنىڭ ءبىرى بولدى، قۇنى 10 ملرد.-قا تەڭ. «قازاقمىس» پاراقورلىق تۋرالى زاڭمەن ءىستىبولدى، بۇل شەتەل مەملەكەتىنىڭ لاۋازىمدى تۇلعاسىنا ىسكەرلىك مۇددەلەردى العا جىلجىتۋ ءۇشىن كەز-كەلگەن «ارتىقشىلىقتى» ۇسىنۋدى قىلمىسقا اينالدىرادى.
زاڭ 2011 جىلدىڭ 1 شىلدەسىنەن باستاپ كۇشىنە ەنگەن كۇنى-اق ءماسىموۆتىڭ كومەكشىسى سول كەزدەگى قازاقمىستىڭ اتقارۋشى ديرەكتورى ەدۋارد وگايعا ەلەكتروندى حات جىبەردى.
باستىق ماعان 4 ادامنان تۇراتىن وتباسىنىڭ پاريجگە كەتۋىنە بايلانىستى سىزبەن بىرگە جۇمىس ىستەۋدى تاپسىردى»، - دەپ جازدى ءماسىموۆتىڭ كومەكشىسى. پرەمەر-مينيستر ءوزى بارماۋى دا مۇمكىن, بىراق ونىڭ وتباسىنا «ەڭ جاقسى 12 ورىندىقتى ۇشاق» جانە ءۇش ىرگەلەس قوناق ءۇي بولمەلەرى بار جاعداي تالاپتارى بولعان.
Financial Times گازەتىندە كورسەتىلگەن ەلەكتروندىق پوشتا جانە باسقا حابارلامالار قازاقمىس قىزمەتكەرلەرىنىڭ ءىس-شارالاردى نۇسقاۋلىق بويىنشا جۇرگىزگەنىن كورسەتەدى. ساپار شامامەن 100 000 دوللار تۇراتىن ەدى. وقيعا جىلدار بويىنا قۇپيا بولىپ كەلدى. قازاقمىس ءوزىنىڭ كەيبىر كەنىشتەرىن جەكە كومپانياعا اينالدىرىپ، قوعامدىق كومپانيانىڭ اتىن Kaz Minerals دەپ وزگەرتتى، بىراق لوندونداعى 2014 جىلعى كورسەتكىش ورنىن ساقتاي الدى.
سول جىلى قازاقستاندىق شەنەۋنىكتەردىڭ اككاۋنتتارى بۇزىلعان سياقتى, ەلەكتروندىق پوشتا حابارلارىنىڭ ۇلكەن اعىمى تۇسىنىكسىز ۆەب-سايتتا پايدا بولدى. جىلدار وتكەن سوڭ ولاردى قاراعان قازاقستاندىق ديسسيدەنتتەر ءماسىموۆ دەمالىسىن اشاتىن حابارلامالارعا تاپ بولدى. ديسسيدەنتتەر 2019 جىلى ولاردى SFO-عا، سونداي-اق كومپانياعا جىبەردى.
Kaz Minerals كومپانياسىنىڭ وكىلى كومپانيا «بۇل تۋرالى بىلە سالىسىمەن بارلىق قولدا بار حات-حابارلار مەن قارجىلىق جازبالارعا مۇقيات شولۋ جاسادى» دەپ مالىمدەدى. ەشقانداي جاڭا اقپارات شىقپاعان بۇل شولۋدا كومپانيانىڭ (نەمەسە ونىڭ كەز-كەلگەن جۇمىسشىسىنىڭ) وسى ساياحات شارالارى ءۇشىن تولەم جاساعاندىعى جانە كومپانيا تولەم جاساۋدى سۇراعاندىعى نەمەسە كۇتكەندىگى تۋرالى ەشقانداي دالەل جوق .
حابارلاماشى كومپانيانىڭ مەرەكەگە كىم اقشا تولەگەنىن جانە ونىڭ قىزمەتكەرلەرىنەن ونى ۇيىمداستىرۋدى نەگە سۇراعانىن بىلمەيتىندىگىن ايتتى. سونداي-اق، باسقا دا ۇكىمەت قىزمەتشىسىنە قىزمەت ەتۋشى قىزمەتكەرلەردىڭ بار جوعى تۋرالى ايتۋدان باس تارتتى.
سىبايلاس جەمقورلىق ىسىمەن اينالىساتىن ۇلىبريتانيانىڭ ەكى جەتەكشى زاڭگەرى SFO تەرگەۋشىلەرىنەن كوبىرەك مالىمەت ىزدەءيدى دەپ كۇتەتىنىن ايتتى. كومپانيا دەمالىس ءۇشىن اقشا تولەمەگەن كۇننىڭ وزىندە، ونىڭ قىزمەتكەرلەرى ءماسىموۆ مىرزاعا ۋاقىت ءبولدى، دەگەنمەن ەكى ساراپشى ادۆوكات پروكۋرورلار تەك وسى ەسەپ بويىنشا سىبايلاس جەمقورلىققا قاتىستى تەرگەۋ جۇرگىزۋى ەكىتالاي بولاتىنىن ايتتى.
بىراق ەگەر كومپانيا نەمەسە ونىڭ وكىلدەرى وسىنداي دەمالىستى قارجىلاندىرعانى انىقتالسا، «بۇل كومپانيانىڭ مەملەكەتتىك قىزمەتكەردىڭ پايداسىنا كومپانيانىڭ پاراسى بولۋى مۇمكىن»، - دەيدى بۇرىنعى پروكۋرور، قازىر Ashurst سەرىكتەسى بولعان رۋبي حاميد. SFO: «ءبىز ايىپتاۋلار تۋرالى بىلەمىز، بىراق قوسىمشا تۇسىنىكتەمە بەرە المايمىز» دەدى. جالپى العاندا، SFO «كەز-كەلگەن سىيلىق نەمەسە ارتىقشىلىق ءسوزسىز پارا رەتىندە قاراستىرىلۋى مۇمكىن» دەپ قوستى، قىلمىستىق جاۋاپكەرشىلىككە تارتۋ تۋرالى شەشىمدەر «بارلىق جاعدايلاردى ەسكەرە وتىرىپ» جەتكىلىكتى دالەلدەر مەن قوعامدىق مۇددەلەر بولعان كەزدە عانا قابىلداندى. ءماسىموۆ تۇسىنىكتەمە سۇراۋىنا جاۋاپ بەرگەن جوق. قازىرگى ۋاقىتتا وگاي مىرزا قازبا بايلىقتارى بار جەكە ءىسىن باسقارادى، بۇل سۇراقتار Kazminerals-قا جىبەرىلدى.
مالىمەت Financial Times-تان الىندى
اۋدارعان:ناعيما بازارقىزى
