قازاقستاندا ەكىنشى توقساندا مەكتەپتەر اشىلا ما: دەنساۋلىق ساقتاۋ ءمينيسترى جاۋاپ بەردى

2397
Adyrna.kz Telegram

قازاقستاندىق وقۋشىلاردىڭ ءداستۇرلى ءبىلىم بەرۋ فورماتىنا قايتا ورالۋى تۋرالى دەنساۋلىق ساقتاۋ ءمينيسترى الەكسەي تسوي ايتىپ بەردى، دەپ حابارلايدى Stan.kz اقپارات اگەنتتىگى.

"بىرنەشە اپتا وتكەننەن كەيىن، بالالار اراسىنداعى اۋرۋدىڭ تارالۋىنا قاراي ەكىنشى توقساندا وقۋدىڭ قانداي فورماتتا بولاتىنىن انىقتايتىن بولامىز. ناتيجەلەردى كوميسسياعا تابىستايمىز. ءبىر كۇندىك اۋرۋ جۇقتىرۋ دەڭگەيىنە قاراي شەشىم شىعارىلادى", - دەيدى تسوي.
بالالاردىڭ جاس ەرەكشەلىكتەرىن جانە ولاردىڭ اتا-انالارىنىڭ وتىنىشتەرىن ەسكەرە وتىرىپ، 1-4 سىنىپ وقۋشىلارى ءۇشىن كەزەكشى سىنىپتار جۇمىس ىستەي باستادى.

جاڭا وقۋ جىلىندا 7 مىڭنان استام مەكتەپ ءوز جۇمىسىن باستادى. ونىڭ 3 مىڭعا جۋىعى ءداستۇرلى رەجيمدە جۇمىس ىستەيدى. بۇل نەگىزىنەن اۋىل مەكتەپتەرى.
ءداستۇرلى فورماتتا 800 مىڭعا جۋىق بالا وقيدى، ونىڭ 250 مىڭى شاعىن جيناقتى مەكتەپتەردە ءبىلىم الۋدا. 2.6 ميلليونعا جۋىق وقۋشى مەكتەپتەردىڭ وزدەرى تاڭداعان وتاندىق ءبىلىم بەرۋ پلاتفورمالارىن قولدانا وتىرىپ قاشىقتىقتان ءبىلىم الادى.

پىكىرلەر