Qazaqstandyq oqýshylardyń dástúrli bilim berý formatyna qaıta oralýy týraly densaýlyq saqtaý mınıstri Alekseı oı aıtyp berdi, dep habarlaıdy Stan.kz aqparat agenttigi.
"Birneshe apta ótkennen keıin, balalar arasyndaǵy aýrýdyń taralýyna qaraı ekinshi toqsanda oqýdyń qandaı formatta bolatynyn anyqtaıtyn bolamyz. Nátıjelerdi komıssııaǵa tabystaımyz. Bir kúndik aýrý juqtyrý deńgeıine qaraı sheshim shyǵarylady", - deıdi oı.
Balalardyń jas erekshelikterin jáne olardyń ata-analarynyń ótinishterin eskere otyryp, 1-4 synyp oqýshylary úshin kezekshi synyptar jumys isteı bastady.
Jańa oqý jylynda 7 myńnan astam mektep óz jumysyn bastady. Onyń 3 myńǵa jýyǵy dástúrli rejımde jumys isteıdi. Bul negizinen aýyl mektepteri.
Dástúrli formatta 800 myńǵa jýyq bala oqıdy, onyń 250 myńy shaǵyn jınaqty mektepterde bilim alýda. 2.6 mıllıonǵa jýyq oqýshy mektepterdiń ózderi tańdaǵan otandyq bilim berý platformalaryn qoldana otyryp qashyqtyqtan bilim alady.
