1-ءشى توپ مۇگەدەگى ايدوس مەديانوۆ كاراتەنىڭ قارا بەلبەۋىنە يە بولدى دەپ حابارلايدى «ادىرنا» Astana TV تەلەارناسىنا سىلتەمە جاساپ.
32 جاستاعى ايدوس تۋعاننان سال اۋرىمەن اۋىرادى. ونىڭ بالا كۇنگى ارمانى كاراتە سپورتىنىڭ شەبەرى بولۋ. مۇمكىندىگى شەكتەۋلى بولعانىنا قاراماستان، ارمانعا جەتۋ ءۇشىن ايانىپ قالماعان. بالداقپەن سپورت زالىنا العاش كەلگەنى دە، ءالى ەسىندە. قازىر ونى تاستاعان. وعان قوسا جاپون ءتىلىن ۇيرەنىپ جۇرگەنىن ايتتى.
ايدوس مەديانوۆ، ءى توپ مۇگەدەگى:
-قارا بەلدەۋگە جەتۋگە قويىپ، وسى جولدا 8 جىل جاتتىقتىم.
سپورتشىنى باستاپقىدا ەشقانداي جاتتىقىرۋشى قابىلداماپتى. قازىرگى جاتتىقتۋرىشىسىن ينتەرنەتتان تاۋىپ العان. رۇستەم سۇلتانبەكوۆ تۋا ءبىتتى سال اۋرۋىنا شالدىققان سپورتشىمەن جۇمىس ىستەگەنىن كورىپ، قولقا سالعان. ۇستازى دەنساۋلىعىنا كەرى اسەرى بولۋى مۇمكىن ەكەندىگىن ەسكەرتكەن. بىراق ايدوس العان بەتىنەن قايتپادى دەيدى. دەگەنمەن جاتتىعۋ جۇمىستارى وڭايعا سوقپاعان.
رۇستەم سۇلتانبەكوۆ، ا.مەديانوۆتىڭ جاتتىقتىرۋشىسى:
ارينە، ايتارلىقتاي قيىن بولدى. ويتكەنى ول ءۇشىن الاڭدادىم. بىراق ايدوستىڭ جانكەشتىلىگى مەنى تاڭقالدىردى. اپتاسىنا ءۇش رەت ءبىر جارىم ساعات جاتتىعادى. سپورتزالعا بارا الماعان كەزدە دە، جاتتىعۋدى ۇيدە جالعاستىردى. ناتيجەسىندە قارا بەلبەۋ ەمتيحانىنا تولىعىمەن دايىن بولدى - دەنەسىمەن دە، رۋحىمەن دە. مەن ادامداردى ساۋ جانە دەنى ساۋ ەمەس دەپ بولمەيمىن. ەڭبەك ەش كەتكەن جوق. ارمان ورىندالدى. ەرەكشە سپورتشى قارا بەلبەۋ يەگەرى اتاندى.
ايدوس مەديانوۆ، ءى توپ مۇگەدەگى:
ءوزىڭدى كەم دەپ ساناماۋعا تىرىسۋ كەرەك. ءيا، ومىردە قيىندىقتار بولادى. بارلىق ەسىكتەر بىردەن اشىلا سالمايدى. مەنىڭشە، ادام تىرىسپاسا، ەشتەڭە بولمايدى.
ايدوس مۇنىمەن توقتاپ قالمايتىنىن ايتتى. جاتتىعۋلارىن جالعاستىرا بەرمەك، بولاشاقتا ءوزى سياقتى جانداردى كاراتەگە دايارلاۋدى ماقسات ەتىپ وتىر. بۇدان وزگە جەتىستىگى دە از ەمەس. 4 ءتىلدى جەتىك مەڭگەرگەن سپورتشى، زاڭگەر ماماندىعى بويىنشا ءبىلىم الىپ ءجۇر.
«ادىرنا» ۇلتتىق پورتالى
